ليه الحب بيوجع كده؟
مريت فى حياتى بحجات صعبة كتير أوى
مفيش حاجه وجعت قلبى كده
مش عارفة أنا بكتب ايه ولا بقول ايه
بس عارفة انى بمشى و انا مش عايزه امشى
أنا قلت انى بخاف من الحب
علشان على قد الاحساس بالامان الى حسيته و انا معاك
على قد ما أنا حاسة انى دلوقت انى خايفة كأنى فى الدنيا لوحدى
بردانة و نفسى رايح منى و دموعى مش راضيه لا تنزل ولا تفارقنى
دموعى واقفة فى عنيه مش عارفة ليه
بسمع الاغانى اللى كنت بتغنيها ليا و مش قادرة أصدق اننا خلاص مش مع بعض
ياريتنى ما كنت اتكلمت ولا قلت
ياريتنى كنت فضلت حتى شوية
طيب كنت خلينى معاك و عودنى على بعدك
علمنى أعيش من غيرك زى ما علمتنى أعيش بيك
مين امانى دلوقت
مين يحمينى
مين هيخاف عليا
مين هيطمنى لما أخاف
طيب حتى هقول لمين دلوقت ان قلبى واجعنى
هقول لمين اننا فارقنا بعض
هحكى لمين حكايتنا
هقول لمين و انت كنت كل حاجه
كنت ابويا اللى عمرى ما شفته
ابنى اللى عمرى ما خلفته
اخويا اللى عمره ما اتولد
و الصديق الى مكانش ليا غيره
و حبيبى اللى أول يدق قلبى دق ليه
عرفت الاحساس بعدم الامان دلوقت بييجى منين
مانا كنت ف حالى راضيه باللى انا فيه
ياريتنى ما كنت شفتك
ياريتنى ما كنت كلمتك
ياريتنى ما كنت حبيتك
ليه خلتنى أحبك ليه
ليه
ليه
ليه