اخواتي العزيزات
دي تجربتى كتبتهلكم
بس حقيقي تجربة تستاهل
انا في الفترة الاخيرة بدا شعري يتساقط ويبقي هايش ومقصف وفقد لمعانة ونعومتة
وطبعا انا صعب عليا اروح لطبيب امراض جلدية عشان انا منتقبة وبتكسف اتكشف علي رجال وطبعا التخصص دة نادر وجود طبيبة ماهرة
المهم استعنت بالله وقلت طب افكر انا في حل للحكاية دي
ففكرت في استخدام الزيوت الطبيعية وقلت اشوف نوع كريم او زيت غالي
فقررت اني اعمل شعري حمامات زيت طبيعي تعوضة النقص اللي فية وكمان كريم للاستخدام المستمر
لان الزيوت دي رغم انها مفيدة لكن ريحتها مش كويسة خاصة للمتزوجات
فلت هخلي حمام الزيت اسبوعيا والكريم يوميا
فربنا هداني لنوع كريم اسمة (بالمرز )بس حقيقي يابنات تحفة بمعني الكلمة واللي عرفتة بعد كدة ان الدكتور كان كاتبة لزوجة اخويا عشان يلحم التقصيف اللي في الشعر نفسة ودي صورتة
دة نوع ضد القشرة
وطبعا استخدمت زيت الزيتون اسبوعيا فوائدة طبعا كلنا عارفينها للشعر
ونعومتة ولمعانة
قال النبي صلى الله عليه و سلم : " كُلُوا الزيت (المقصود زيت الزيتون) و ادَّهنوا به فإنه من شجرة مباركة " . أخرجه ابن ماجة
واستخدمت (زيت حبة البركة) هو كمان مفيد جدا جدا للشعر بس المشكلة في الريحة
يقول الرسول صلى الله عليه وسلم:"عليكم بهذه الحبة السوداء.. فإن فيها شفاء لكل داء إلا السام))رواه البخاري
**طريقة الاستخدام
حمام الزيت تغسلي شعرك عادي بالشامبو وتسرحية بس بعد ما يصفي من الماء عشان التقصيف وبعدين تشبعي شعرك زيت كتير وبعدين تلفية وتربطية بالبونية البلاستيك وتسيبية علي شعرك من 2 الي 3 ساعات ولو قدرتي تنامي بية يبقي كويس جدا
**وملحوظة مهمة
اياكي والغسيل المستمر لشعرك ولو فية ظروف يبقي بماء فاتر
فقط وخلي الشامبو مرة اسبوعيا
للحفاظ علي الزيوت الطبيعية في الشعر
وكمان استخدام (المشط الخشبي) افضل بكثير من الامشاط الاخري لانة لا يساعد علي تقصف الشعر ويحافظ علية
وفعلا لما عملت كدة شعري بقي ما شاء الله لا قوة الا بالله اتظبط كتير وبقي احسن بكتير
لو عجبكم موضوعي ادعو لي ولزوجي بصلاح الحال والذرية الصالحة