ربنا يزيد ويبارك ويارب نستفاد بالتجمع الحلو ده
|
طب يا صبري انت مش عاجبك دكتور محمد عبد البديع وعجبك دكتوره سميه ودكتور ابراهيم
|
هو انا اه متفق معاكى على دكتور ابراهيم بس انا مستبعده شويه ليه لانى مبحضرلوش اساسا وعرفت انى مش هعرف استفاد منه وبحضورى هكره اوى فعلشان كده كبرت ويعتبر ناسيه وده يدلل وجه نظرى وهى انى مش بكره الدكتور علشان مادته انا بعتبرها انها مفروضه عليه زى ماهى مفر وضه علينا بالظبط علشان كده بحبش الدكتور علشان معاملته معانا حتى لو كانت مادته سهله تفتكرى فى اولى كان عندنا دكتور اسمه سامح بتاع اللغه العربيه مع انى بحب الادب والبلاغه وشويه النحو بس انا واكيدكلنا كنا كارهينه علشان معاملته مش علشان مادته ونفس الماده اللى كان بيدرسها الدكتور السيد فضل بس كنا بنحبه لانه كان كويس معانا واما سميه فمفيش اى مشاكل معاها غير انها بتموت تشيلنا المواد .واسف للاطاله
|
انت معاك حق يا صبري وعلي فكره انا اكتر مواد بستمتع وانا بزاكرها وبحس ان فيها فهم هي مواد الدكتوره سميه علي الرغم من انها علي طول بتحب تشيلني موادها ربنا يسامحها بقي اما دكتور عبد البديع فانا بكره مواده اوي عشان كلها حفظ ومهما زاكرتها مبفهمهاش بس عمره ما شيلني ماده فعشان كده انا مش عارفه انا بحبهم ولا بكرهم
|
يالا ربنا يوفئك المهم عملتى ايه فى امتحان النهارده ولو فى اى معلومه عن الماده الجايه قوليهالى .
|
ياجماعه هو محدش بيخش ليه وفين انت ياعم ياصاحب الموضوع عايزين اى حوار كده ولا اى منظر .
|
ازيكو يا جماعه انا اول مره اشترك معاكو اخبار الامتحانات والاكتئاب عندكو ايه اخر تمام
انا شمس فرقه تالته داب فرنساوى |
هى
انا شوشو كلية اداب قسم اجتماع الفرقة 2 ياريت تقبلونى صحبة ليكو |
اهلا بيكو يا جماعه وياريت حد يقولى هو امتحانات بكره هتتاجل
|
اهلا بيكوا يا شوشو ويا شمس ويارب دايما تبقوا معانا وياريت تقوليلي انتوا عاملين ايه في الامتحانات؟
|
يا صبري يا ريت تقولي هو انت قسم صحافه ولا اذاعه وانت الفرقه الكام
|
قسم صحافه فرقه تالته
|
صرخة الطلبة حول المكان
أولاً : كل الطلبة الشقية، وكل الصحبة اللى زى الفل وكل العقول المتفتحة والناضجة أحب أصبح وأمسى عليكككككككو كلكككككككككو صباح ومساء الفلل. ثانيًا : أنا فى منتهى السعادة لوجودى معاكواااا ولوجودنا كلنا ككتيبة تحمل لواء كلية الآداب جامعة بنها فى هذا المنتدى. ثالثًا : فرحان جدً جدًا جدًا بالصراحة المطلقة فى التعبير بينا كلنا سواء حول ما يتعلق بشكل مبنى الكلية أو ما يتعلق برأيكم فى أعضاء هيئة التدريس والمواد وطرق الشرح الخ. بس يا شباب اللى أنا زعلان منه أنى مش شكل مبنى الجامعة هو الذى يعلى مقدارها ... ولكن عقول أبنائها وعلمائها ، اللى هما أحنا يا شباب أحنا كتيبة كلية الآداب ، مش بيقولوا فى الأمثال البيت بناسه مش بأساسه. وإحنا الناس أحنا المنتج. أحنا فى قسم التاريخ عند أساتذة قدم قوى بس لسة والله شغلين وبيحولوا يعلمونا حاجة صحيح فى 2 واللى 3 مش ولابد ومش نفعين خالص، بس سيبك عندنا الدكتور محمد أبو حديد ياللهوى على جمال عنياه والدكتور ممدوى بس كلو كوم والدكتور محمد الدمرداش كوووووووووووووك تانى طرقتو وشرحه وأسلوبة والله حتى شخطته تحس فيها بالرجواله وعايز يعلمنا بجد . على فكرة أنا قسم تاريخ التاريخ الكديد كديد سيبك أنت مستنى ردودككو وخصوصًا طلبة الفرق الثالثة |
ياجماعه هو محدش بيخش ليه وفين انت ياعم ياصاحب الموضوع عايزين اى حوار كده ولا اى منظر .
ان كل واحد يلاقى حد فى القسم بتاعه.قده او اكبر منه. و ع فكرة انا واحده من الاعضاء اللى لاقيت فعلا حد يساعدنى وبقينا اصحاب وانا دايما بدخل اشوف مين انضم معانا جديد وكمان سألت عملين ايه فى الامتحانات بس محدش رد عليا |
ازيكم ياجماعه اللى خلصو الامتحان طفشوا ولا ايه
|
هاي يا fagr اهلا بيك في كتيبه كليه الاداب ويارب دايما تبقي منورنا بس متبالغش اوي كده مش كل الي هيتخرج من كليه الاداب هيبقي عالم ولا كل واحد هيشتغل في تخصصه ده لو الكل عرف يشتغل
ويارب يكون رأيي مضايقكش |
هاي يا مون ستار انا الحمد لله تمام في الامتحانات الي حد ما المهم انتي عامله ايه في الامتحانات؟ وانت عملت ايه يا صبري في الامتحانات؟
|
انا الحمد لله حليت بدرجه جيد يالا كويس احسن من مفيش يارب تكونى انتى حليتى كويس
|
اهلا روكا
انا برضه تمام بتمنى اعدى وبس سنة اولى بقى،لسة بنتعرف على الكليه وعلى المواد وميرسى ياجميل على السؤال |
منور يا (بوحه بوتى)
منوره يا(moon) منور (mido) سورى على التأخير عليكم كنت بامتحانات |
اهلا ياقمر وحشتينا والله
عملتى ايه فى الامتحانات سبع ولا ضبع؟ |
عسل يا قمر انتى
شكراا ياعسوله يعنى عديت من الامتحانات ربنا يستر فى النتيبجه مين يتخيل ان فى مواد عندى تأتى من خارج الكتاب افترى يا رب نعدى ياااارب |
ده انتى اللى عثل ياعثل
انا عارفةالدكاترة ساعات بيرخموا ليه كدة بس ولا يهمك يا قمرايه ان شاء الله تجيبى امتياز وتطلعى الاولى على الدفعة كمان |
السلام عليكم
انا دارين الفرقه الثالثه قسم اعلام (اذاعه وتليفزيون) انا اول مره اشوف المنتدى ده وبمحض الصدفه اتمنى انه يكون منتدى فعال عشان نقدر ندعمه اكتر واكتر ميرسى كتير ليكم |
هاي يا دارين انا روكا الفرقه الثالثه قسم اعلام (اذاعه وتليفزيون)
|
اهلا يا جماعه ...اتا محمود سيف فى كليه اداب بنها قسم الاعلام والحمد لله لسه مخلص النهارده
|
هو محدش موجود ولا ايه؟
|
هاي يا محمود يارب تنورنا دايما ويارب تكون حليت كويس في الامتحانات
|
اهلا بيك محمود سيف
منور moonكفايه بس نعدى على خير بس ياارب كلنا ننجح سورى يا جماعه لو ما رحبتش بحد اكيد بدون قصد منوررررررررررررين كلكم |
هاى عليكو
يا جماعه انتو نازلين بهدله فى جامعه بنها ارحمو شويه انا مش بس فى جامعة بنها انا من بنها كمان عارفه ان الجامعه وحشه ومش منظر بس مش هى دى الحاجه الوحيده الى فى مصر مش برفكت يعنى انا فى كلية اداب قسم انجلش وربنا ينتقم من دكتور محمد ابو عرب الى مكرهنا فى العيشه والى عايشنها كفايه رغى بقى ايه ده باى |