نجوم مصرية
منتديات نجوم مصرية منتديات شباب وبنات منتدى طلبة جامعات مصر منتدى طلبة كلية علوم



تابع نجوم مصرية على أخبار جوجل




الموضوع الرسمي لطلبة علوم القاهرة <تعارف + إستفسارات >

 

السلام عليكم

أولا ً مرحباً بكل طلبة علوم القاهرة الجدد و مبروك علي حسن إختيارهم لهذه الكلية العريقة .


طبعاًالإنطباع الأول اللي خدته من أصحابك أو أهلك إنها كلية معقدة و صعبة جداً ، طبعاً الكلام ده فيه جزء كبير من الخطأ .


كلية العلوم ببساطة هي كلية المتميزين ، و المتميزين هما اللي مش داخلين عشان يتعلموا و خلاص لكن عشان يزودوا معلوماتهم و ثقافتهم و ما يعتمدوش فقط علي المناهج الأساسية للكلية ، لكن منهج الكلية هيكون الأساس لقاعدة عريضة من المعرفة هتكونها في دماغك .

ثانياً : كلية علوم القاهرة كلية بسيطة و هتلاقي فيها تعاون كبير من الدكاترة و المعيدين .

علوم القاهرة يجب أن تذاكر فيها أولاً بأول و <إلا هتتزنق > في الأخر و مش بعيد تشيل مواد ، يعني من الأخر لازم تذاكر أول بأول و تجتهد و ربنا هيكرمك و هتلاقي نفسك كمان جبت تقدير عالي .

هتلاقي مشكلة شوية في الإنجليزي < الدراسة كلها إنجليزي > لكن مع نهاية نصف السنة الأولي هتكون أتقنت الإنجليزية تماماً إن شاء الله .

كلية العلوم ليس كما يقال عنها إن وظائفها قليلة بالعكس هي أبو الوظائف هتلاقي في أي قسم تدخله فرص عمل كتيرة إن شاء الله .

كل مادة هتاخدها هيكون فيها نظري و عملي و طبعاً هتحتاج البلطو و أدوات المعمل .

نظام كلية علوم القاهرة هو نظام الساعات المعتمدة و من أهم مزاياه : إنك هتختار مواعيد المواد بنفسك من ضمن مواعيد موجودة مسبقاً و ب هتعمل جدولك بنفسك و ده هيكون علي النت ، إنك لو لا قدر الله سقطت في أكتر من ثلاثة مواد مش هاتعيد السنة و ده لغاية أربع مواد .



الأقسام الأساسية :

قسم الكيمياء
قسم الفيزياء
قسم الجيولوجيا
قسم الجيوفيزياء
قسم علم الحيوان
قسم النبات
قسم علم الحشرات
قسم الفلك و الأرصاد الجوية
قسم الرياضيات
قسم البيوفيزياء



أول ماتدخل الكلية هتاخد تلات مواد إجباري :

كيمياء ، فيزياء ، رياضيات .

و هتختار مادتين < هيكون إختيارك علي حسب التخصص اللي إنت عايز تدخله في سنة تانية إن شاء الله > :
تابع نجوم مصرية على أخبار جوجل



ملحوظة : في أي مادتين تختارهم هتكون ممكن تدخل أقسام : كيمياء فيزياء ، كيمياء منفرد ، فيزياء منفرد ، رياضيات منفرد .

أمثلة :

جيولوجيا + جيوفيزياء ----> الأقسام : كيمياء جيولوجيا ، جيوفيزياء منفرد .

جيو لوجيا + حيوان ------> كيمياء حيوان ، كيمياء جيولوجيا ، جيولوجيا منفرد ، كيمياء حيوان ، كيمياء حيوية .

حيوان + نبات -----> كيمياء حيوان ، كيمياء ميكرو بيولوجي ، كيمياء حيوية .

و هكذا .....

درجات كل مادة 100 درجة تنقسم إلي : 10درجات Middle Term < و هو إمتحان صغير في نصف الترم > ، 30 درجة للعملي ، 60 درجة لإمتحان النظري النهائي .


الموضوع مش منقول ، إكتب أي إستفسارات إنت عايزها و كمان عرف نفسك هنا .






المقال "الموضوع الرسمي لطلبة علوم القاهرة <تعارف + إستفسارات >" نشر بواسطة: بتاريخ:
هارى بوتر1988
ميرسى على الموضوع
قمر الزمان
ممكن اتعرف عليكوا
amrys
ممكن اتعرف عليكوا

أهلاً و سهلاً بيك < بيكي > . ، أنا إسمي عمرو داخل إن شاء الله سنة تانية علوم ،


عرفنا < عرفينا > بنفسك
قمر الزمان
انا اسمى بسمة وان شاء اللة هكون فى تانية برضة
amrys
طيب كويس ، إكتبيلنا هتدخلي قسم إيه ، إنتي جامعة القاهرة ؟
lost_angle
هاي انا اسمي اسماء تالته علوم القاهره ان شاء الله

ممكن تقبلوني صديقه معاكم
amrys
هاي انا اسمي اسماء تالته علوم القاهره ان شاء الله

ممكن تقبلوني صديقه معاكم

طبعاً ، أهلاً بيكي في منتدي نجوم FM .


علي فكرة أنا قسم كيمياء جيولوجيا >>>> لسه عارف أول إمبارح
lost_angle
الف مبورك علي فكره القسم ده كويس موووت وربنا يوفقك ان شاء الله
انا في قسم كيمياء حيوان
الصاروخ
ايه رأيكوا في علوم الزقازيق
ملك روحي
ازيكم ياحسن ناس

انا كلية علوم القاهره سنه اولى

بجد انا خايفه منها اووووي ربنا يستر

ممكن اتعرف عليكو
ReemGD
السلام عليكم اولا
انا ريم فى سنة اولى علوم ولى تساؤلات
1. ازاى احصل على اسئلة ونماذج امتحانات سابقة وبخاصة فى الكيمياء
2. هل فيه دروس او مجموعات تقوية
وشكرا لكم جميعا
lost_angle
بصوا يا سنه اولي
انا عارفه ان الموضوع في اوله يخوف خصوصا الدراسه بالانجليزي
بس والله هي مساله وقت وشويه مصطلحات وبعد كده عتتعودوا
بالنسبه لسؤالك يا ريم
احسن ورق كيمياء بينزل لدكتور مصطفي ولاحمد قطب لو بينزلوالاولي لكن غير دول معرفش وحاولو تذاكروا وتلخصوا من الكتاب ... علي فكره كتب الكيمياء بتبقي مش وحشه
في الرياضه انصحك بلاش محمد صفاء عشان مش حلو لو تعرفي حد في سكاشن دكتور محمد عادل او دكتور يسري او دكتوره دعاء دول كفايه قوي
بالنسبه للفيزياء طبعا من غير نقاش دكتور عماد
بس شدوا حيلكم شويه عشان سنه اولي دي بتبقي لخبطه ع الاخر وماتسيبوش الدكاتره الا لما تفهمو عشان تعدوا بيور ان شاء الله
وابقو طمنوني عليكموقلولي عملتو ايه ولو عايزين اي استفسار ابقو قلولي
سلاااااااااام
ملك روحي
ميرسييييييي اووي ياقمر على الافاده

انا بس عندي استفسار

انا واخده جبر

لو حد يعرف اجيب ورق مين من الدكاتره

بلييييييييز ممكن يقولي

عشان بجد محتاجه ورق افهم منه الجبر كويس

ReemGD
لو سمحت يا Lost_angle
انا ريم
بسال عن مين من الدكاترة فى الكيمياء الجأ له إذا احتجت فهم جزئية غامضة انا فى سنة اوكى زى ما انت عارفة واشكرك
lost_angle
معلش يا ملوك انا بجد معرفش حد بينزل ورق جبر بس هسالك والله
وانتي يا ريملو عايزه تروحي لحد يفهمك حاولي تروحي للدكتور بتاعك اللي بيديلكفي المحاضره علي الاقل هيعرفك وممكن يكرمك...
لكن انا مقدرش اقوللك تروحي لحد معين لان كل فرع في الكيمياء وليه دكتور كويس
وكان احسن واحد دكتور احمد جلال بس بقي العميد بقه مش فاضيلنا
فانتي حاولي تعملي زي ماقولتلك وهتلاقيهم متعاونين والله
crazymonmona
ازيكم يا جماعة أنا اتخرجت من كلية العلوم جامعة اسكندرية دفعة 2007 قسم كيمياء - كيمياء حيوي و حضرت دبلومة تحاليل2008 , اللي محتاج منكم اي حاجة او عنده اي استفسار عن الكلية يسأل وأنا حرد عليكم وححاول اساعدكم علي قد ما أقدر وربنا يوقفكم كلكم .
semo_soma
احنا دلوقتي في الmid term وحاولوا تركزوا
lost_angle
ميرسي يا crazy
Zoka
ana esmy Amr 1st year
Zoka
ana me7tag mosa3da begad ya gama3a ana gebt 1 men 10 fe el math :S we mesh 3aref azaker mneen el ketab we7sh awy :S
lost_angle
اهلا بيك يا عموره معانا في المنتدي
بالنسبه للرياضه متخافش كلنا كنا كده..بس هي رياضه واحد اسهل بكتير من رياضه 2
يعني ممكن تعدي فيها.. وبالنسبه للميد ترم ده شئ متوقع لانه يعتبر اول امتحان ليك في الكليه فلازم متعرفش تحل كويس
انا كنت جايبه في ميد ترم الرياضه1 صفرzeroooooooooooooo
المهم بقه اللي جاي عشان ده مش فيه هزار
اولا متعتمدش علي الكتاب في المذاكره اعتماد كلي
لو معاك سكاشن د/محمد عادل تبقي ميه ميه
وممكن ورق صفاء مع اني مش بحبه قوي
بس بجد حاول تشد حيلك شويه عشام لو لا قدر الله معدتش فيها حتعطلك رياضه الترم التاني زي مانت عارف
عموما يا جماعه لخبطه سنه اول ودرجات الميد ترم في سنه اولي دي عادي المهم العملي والفينال
شدوا حيلكم واللي عايز اي حاجه يسالني
علوم لعلوم برده
شكرا...,,,
semo_soma
ممكن اعرف مين هو lost angle انا اسلام 3 علوم القاهرة ك/ف وياريت اتعرف علي اصدقاء اكتر علشان ممكن اساعد كتير في الافات
lost_angle
lost_angle هي مش هو
تالته علوم القاهره قسم ك\حيوان
العطار
السلام عليكم ورحمة الله وبر كاته

يشرفني الانضمام الى منتداكم الموقر

ولدي تساؤل بسيط في ماجستير الكيمباء العضوية

الرسالة أو البحث هل يقدم باللغة الانجليزية او العربية

ولكم خالص الشكر

أخوكم العطار من السعودية
lost_angle
تنور المنتدي اي باشا
افتكر الرساله لازم تكون بالانجليزيه لان الدراسه كلها عندنا بالانجليزيه
واي خدمه
toty froty
انا اسمى تسبيح
تالته علوم القاهره
قسم فيزياء حيويه
ربنا معانا كلنا
adam
RABENA YOSTOR YA REGALA EL NATEGA ARRAPT TEZHAR
http://100fm6.com/vb/images/smilies/smile.gif
adam
Saba7 el 5er ento betnamo 3alatol walla eeh?
lost_angle
اهلا يا باشا لسه صاحيين من غيبوبه امتحانات
انت سنه كام يا ادم؟؟ وقسم ايه؟؟؟
ياريت تعرفنا بيك



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
الموضوع الرسمي لدفع جوجل ادسنس شهر اغسطس2011
الموضوع الرسمي للدفع لشهر اكتوبر
لطلبة كلية علوم فقط
اللزوجه لطلبة علوم فزياء

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية