كلمات اغنية عدى النهار لعبد الحليم حافظ

كلمات: عبد الرحمن الأبنودي ألحان: بليغ حمدي



عدّى النهار

و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها

الصباح

أبو شمس بترش الحنين؟

أبداً ..

بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان

و على النغم

تحلم بلدنا

بالسنابل و الكيزان

تحلم ببكره

و اللي حيجيبه معاه

تنده عليه في الضلمة

و بتسمع نداه

تصحى له من قبل الأدان

تروح تقابله في الغيطان

في المصانع .. و المعامل

و المدارس .. و الساحات

طالعة له صحبة

جنود

طالعة له رجال ..

أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار

عدى النهار والمغربية جايه تتخفى ورا دهر الشجر

وعشان نتوه فى السكة شالت من ليالينا القمر

وبلدنا ع الترعة بتغسل شعرها

جاها نهار ماقدرش يدفع مهرها

ياهل ترى الليل الحزين ابو النجوم الدبلانين

ابو الغناوى المجروحين يقدر ينسينا صباح

ابو شمس بترش الحنين

شكرااااااااا يااحمد لانها من روائع حليم ومن روائع

الاغانى الوطنية شكراااااااااااااا

اجمل الاغاني الوطنيه اللي سمعتها

تحياتي

مرسيه ليكم

شكرا جدايا احمد الاغنيه دي روعه وانت بحبها
شكرررررا

مرسيه ليكى يا سمسم على المرور