نجوم مصرية
منتديات نجوم مصرية منتديات شباب وبنات منتدى الرياضة



تابع نجوم مصرية على أخبار جوجل




الاستديو التحليلى لمباراه الاهلى والزمالك الدورى العام

 

اعزائى المشاهدين السلام عليكم ورحمه الله وبركاته وحلقه جديده من استديو المباراه وطبعا هذا الاستديو هيكون فى جميع مباريات الزمالك واليوم يسعنا ان تكون اولى حلقتنا هى مباراه القمه ونظرا لان هذه المباراه هى كرنفال للكره المصريه وحتى لا يشكك احد اننا نحلل من جانب واحد يسعدنا اليوم ان نلتقى مع الكابتن اشرف نور نجم الاهلى فى المنتدى وايضا يشرفنا ان نلتقى مع الكابتن محمود عبد العزيز نجم نادى الزمالك فى المنتدى ولكن فاصل قصير ونعود






المقال "الاستديو التحليلى لمباراه الاهلى والزمالك الدورى العام" نشر بواسطة: بتاريخ:
اجتماعى اخر حاجه
اهلا بكم مره اخرى اولا احب ارحب بالكابتن اشرف وكابتن محمود ونحب نسئل كابتن اشرف بما انه الضيف ما رايك فى مبادره برنامج الزمالك اون لاين فى استضافتك ونحن قاصدين ذلك نوعا من الاخاء بين الفريقين لاننا نعلم جيدا الكثيرون يريدون تفريق الفريقين ياريت يا كابتن اشرف كلمه منك ؟
اشرف نور
اهلا بيك يا احمد وان شاء الله ستوديو تحليلى موفق

مهم انك تسمع الرأى الآخر دايما علشان تتأكد انك ماشى صح ومش فى اتجاه واحد وللاسف بيقع فى الخطأ ده كتير من القنوات الفضائية واللى بتكون الاراء فيها فى اتجاه واحد ابيض او احمر وطبعا انتوا عارفينها من غير ما اذكر اسماء ..

معاك ونبتدى على بركة الله
اجتماعى اخر حاجه
فاهمك كويس يا كابتن اشرف والان يا كابتن محمود تعطينا كلمه فى البدايه عن علاقه الفريقين الاهلى والزمالك ؟
ma7m00d
اولا بحب احب بالكابتن احمد صاحب الفكره الجميلة دي والبرنامج الناجح ان شاء الله
وطبعا بالكابتن اشرف اللي منورنا

اما عن علاقة الفريقين
انا شايف ان في توتر بين الجماهير ف الفتره الاخيره
بسبب صحوة الزمالك القوية اوي ومنافستة علي درع الدوري
وبرضو بسبب تذبب مستوي الاهلي ف الفتره الاخير
ومشاكل الحكام والعلاقة بين الجماهير زاد سخونة شوية
بس اتمني من ربنا ان جمهورنا الواعي هو اللي بحضر ويشجع
ومتاكد برضو ان الفريقين ف الملعب هيكونو علي روح رياضية عالية
وان شاء الله نشوف ماتش جميل ونستمتع كلنا بمباره تليق بقضبي الكره المصرية
اجتماعى اخر حاجه
جميل جدا وبمناسبه هذا الروح الجميله نهدى هذه الاغنيه للاهلويه والزملكاويه


اجتماعى اخر حاجه
والان اعتقد نبدا فى التحليل مع كابتن اشرف والنادى الاهلى كابتن بكل صراحه مستوى النادى الاهلى امام الاتحاد كان ليس كالمعتاد على قوه الاهلى ما هو السبب من وجهه نظرك ؟
اشرف نور
ببساطة مباراة الزمالك وحرس الحدود انهت المنافسة تماما اللاعيبة كانت بتلعب براحة نفسية فسواء تحقق الفوز او حتى انتهت المباراة بالتعادل الزمالك ريح الفرقة بهزيمته من الحرس . وفى نفس الوقت الاتحاد كان بيلعب المباراة بهدوء وبدون تحفز زى اللى بنشوفه فى مباراة انبى او بتروجيت علشان كده خرجت المباراة بالشكل ده ورغم كده الحمد الله كسبنا 1 - 0
اجتماعى اخر حاجه
بالفعل نتيجه الزمالك كانت مفاجاه عشان كده مش ممكن نسيب كابتن محمود غير لما نسئله ما هو سر خساره الزمالك امام الحرس هل ضعف دفاع الزمالك وخاصه عمرو الصفتى ام قوه الحرس ام عدم توفيق ام حسام حسن ؟
ma7m00d
انا شايف ان السبب ف الهزيمة امام الحرس
حاجات كتيره منها
الثقة الزايدة ان الزمالك ماشي بخطي ثابتة
والفوز بيجي ف اي وقت ومقدروش مستوي الفريق زي الحرس
تاني حاجة اخطاء دفاعية كلنا شفنا عمرو الصفتي ف هدف الفوز للحرس
تالت حاجة ومن اهم الاسباب غياب فتح الله بجد كان مؤثر وربنا يرجعو ف ماتش الاهلي انهاردة
ومننساش برضو سوء الحظ احمد جعفر ضيع فرص كانت اهداف
وب خسرنا ماتش الحرس اللي ضيع علي الزمالك فرصة الاقتراب من الاهلي
ma7m00d
ودي اهداف ماتش الحرس والزمالك




اجتماعى اخر حاجه
بالفعل يا كابتن محمود والزمالك دفع الثمن غالى خساره 3 نقط كانت هتفرق جامد وطبعا احنا اليوم مش مجرد استديو تحليلى ده كرنفال بيكرر كل سنه شى جميل يلا بهديكم المقطع ده ومش عايز اى حد يزعل

المقطع بعنوان ( بتعصبك كلمه الزمالك طب زملكاوى زملكاوى )


اجتماعى اخر حاجه
نرجع تانى لكابتن اشرف ونسئله ايه اخر الاخبار عن معسكر النادى الاهلى فى مصر الجديده ؟
اشرف نور
حسام البدرى خايف جدا من مقابلة حسام حسن حاسس بده فى تصرفاته وتصريحاته والخوف ده لوحده يقلق لدرجة ان هيسحب معاه ال 23 لاعب فى المباراة علشان مش قادر يعلن التشكيل النهائى ، اعتقد ان حماس لاعبى الاهلى للقاء اقل من لاعبى الزمالك او يمكن الدوافع اقل ، بركات سيعود بعد شفاء اصابته الطارئة وان كنت ارى ان هيبقى احتياطى وسيتم الدفع به فى الشوط الثانى .
اجتماعى اخر حاجه
بالطبع يا كابتن اشرف معنويات الزمالك اعلى لانه هو الى محتاج الفوز ولكن لا ننسى معنويات الاهلى للفوز فى السماء شى ممتاز انك تاخد الدورى فى مباراه الزمالك وحسام البدرى نفسه يفوز على الزمالك لاول مره والان يا كابتن محمود نسئلك ايضا عن اخر استعداد الزمالك فى معسكر العين السخنه ؟
ma7m00d
انا شايف التحفز لدي لاعيبة الزمالك اعلي واقوي من الاهلي
وحسام حسن لاعب الحماس واكيد الحماس دا هيتنقل للاعيبة
واكيد كمان هقولهم ان دي بطولة خاصة ولابد من الفوز بالمباراه
علشان الناس تنسي اللي حصل ف ماتش الحرس
وتقريبا حسام هيلعب ب 2 مهاجمين ودا اكبر دليل علي الحماس والقوة اللي هيبدا بيها المباراه
والعزم علي الفوز بالثلاث نقاط
اجتماعى اخر حاجه
كابتن اشرف توقعاتك لتشكيل النادى الاهلى اليوم وخطه لعبه ؟
اشرف نور
طريقة لعب الاهلى معروفة 4 - 4- 2

عادل عبد المنعم حارس مرمى

وائل جمعة وشريف عبد الفضيل فى القلب

احمد على ( بركات ) و معوض طرفين

عاشور وشكرى ارتكاز فى نص الملعب

احمد حسن وتريكة

متعب وفضل رأسى حربة

( احتمال يلعب بمتعب راس حربة واحد ويسقط واحد تانى فى نص الملعب ويخلى فضل جنبه ع الدكة وده هيكون الافضل )
اجتماعى اخر حاجه
ممتاز جدا كابتن اشرف وياريت يا كابتن محمود تعرفنا انت ايضا تشكيل الزمالك من وجهه نظرك وخطه اللعب ؟
ma7m00d
تشكيل اليوم بدون مفاجات
وحيد والصفتي وفتح الله وعبدالشافي وغانم
الوسط ابراهيم صلاح وحسن مصطفى وحسام عرفات وحسين ياسر وشيكابالا
الهجوم احمد جعفر
بس ممكن ينزل اديكو مكان حسام عرفات او شريف اشرف مكان احمد جعفر
اجتماعى اخر حاجه
ممتاز جدا سمعنا الان تشكيل الفريقين ولكن لابد ان ندخل فى فنيات اكثر ولكن بعد هذا الفاصل واليكم فيديو لذكرى انتصارات الزمالك يلا بنحاول نعلى المعنويات الى اقصى الحدود


اجتماعى اخر حاجه
عدنا مره اخرى وللاسف كابتن محمود حدث له ظروف ويسعدنى ان اكمل انا الحوار مع كابتن اشرف وبسئله عن دفاع الاهلى هل قادر على مواجهه هجوم الزمالك خاصه ان الزمالك يهاجم باثنين من البدايه ؟
اشرف نور
دفاع الاهلى لو فى حالته العادية قادر اكيد على ايقاف الهجوم الزملكاوى اللى هيتركز فى 3 بشكل اساسى لو اتمسكوا كويس هيشلوا حركة الزمالك هما شيكابالا والمحمدى وجعفر ، واعتقد فى ماتش زى ده هيبقى متافل اوى الجون هيجى بغلطة او من ضربة ثابتة لاى فريق من الاتنين
اجتماعى اخر حاجه
ممتاز كابتن محمود يعود لنا من جديد والان نسئل كابتن محمود هل دفاع الزمالك قادر على ايقاف هجوم الاهلى وخاصه متعب ؟
ma7m00d
انا شايف باختصار ان الاهلي مستوي الهجوم ضعيف ف ظل سوء حالة متعب
وضعف مستوي فرانسس
الخطورة ممكن تبقي من بركات
وان شاء الله الرجالة اللي ف خط الدفاع هيكون علي قد المسئولية
اجتماعى اخر حاجه
بصراحه يا كابتن محمود انا اختلف معك لان متعب زى العقرب ممكن يخلص فى لحظه ولا ننسى ورقه رابحه جدا وهى اسامه حسنى من وجهه نظرى المتواضعه اسامه حسنى يخلص المباراه بالرغم الكثير يقول حسنى بعيد عن مستواه ومشكله الزمالك فى الصفتى لو مسك متعب هتبقى كارثه من وجهه نظرى ولو محمود فتح الله لم يلحق بالمباراه هتبقى المهمه ثقيله للغايه وياريت نسمع راى كابتن اشرف هل يتفوق متعب وبركات ام الافضليه لدفاع الزمالك ؟
اشرف نور
دفاع الزمالك ظروفه لا تسمح له بالتفوق على احد سواء فتح الله او الصفتى وعماد متعب وتريكه لو فى حالتهم الطبيعية او فى نصها حتى هيدوخوا الصفتى رايح جاى وعندى احساس ان النهاردة يوم عودة ابو تريكة لتألقه ومستواه ومعتقدش ان فيه حد فى نص ملعب الزمالك هيعرف يمسكه كويس
اجتماعى اخر حاجه
يعنى اختصر كابتن اشرف بكلامه الكثير ونسئل كابتن محمود تتفق معى الى هيمتلك خط الوسط هو الى هيكسب هل تعتقد ان خط وسط الزمالك يفوز اليوم على الاهلى
اجتماعى اخر حاجه
يظهر كابتن محمود مشاكل فى النت انا هقول وجهه نظرى فى خط الوسط هنشوف عبد الشافى واحمد غانم جنب يمين وشمال وفى الوسط ابراهيم صلاح هيبقى دوره خطير وحسن مصطفى هيموت نفسه فى المباراه ومن الاخر الى هيمتلك نصف الملعب هو الى هيكسب
اجتماعى اخر حاجه
اخيرا يا كابتن اشرف تتوقع نتيجه المباراه ايه ؟



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
علاء صادق : تعادل الاهلى والزمالك باطل واحذروا من كارثة الغاء الدورى امام الاتحاد السكندرى
اخر اخبار الاهلى والزمالك والاستعداد لمباراه القمه
الاستديو التحليلى لكلاسيكو الكره المصرية الاهلى والزمالك 16/4/2010
القنوات الناقلة لقمة الكرة المصرية الاهلي والزمالك - الجمعة 16 ابريل (المعلقين - الاستوديو التحليلي)
الاستديو التحليلي للمباراة الفاصلة بين منتخبي مصر والجزائر ( تصفيات كأس العالم 2010 )بالصور

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية