ف البداية يا أحبائي أنا بنقل خواطر بمر بيها وبشكلها بأسلوبي وبحب انقلها ليكم عشان تستفادوا بس يارب تفهمو قصدي كويس
لو حبيتو أو أجبرتو انكم تتعلمو حاجة عليكم بالأتي:
بصو ياأصحابي مافيش حاجة اسمها صعب أو مستحيل أتعلم حاجة انا مثلا ناو بتعلم السواقة عارفين كنت خايف أوي بجد وراهبها مع انها كانت امنية عندي ان أتعلم السواقة بس اما جيت أتعلمها حسيت بصعوبه بس حطيت ف دماغي كذا حاجة عشان أتعدى المرحلة دي :_
أولا عشان تتعلم حاجة كويس لازم تحبها وبعد كده تركز تالت حاجة حط ف دماغك أنك هاتحترفها الدليل ان الطفل بيتكعبل اول مايتعلم المشي وبعد كده بيمشي كويس وكذلك ف تعلم الكلام وبعد كده يجي مرحلة تعلم القراية والكتابه بيقعد يستهجى صح ياأصحابي ولا لأ وبعد كده بيكبر ويبتدي ينقسم الحياة هنا إلى ولد وبنت البنت مثلا تيجي تتعلم الطبيخ ف الأول بتجد صعوبه ومافيش مع الوقت بعد ماكانت تقعد ف المطبخ من اول ماتقشر البصل لحد ماتحط الأكل عالترابيزة بعد كده تلاقيها بعد احترافها بتخش المطبخ زيارات طبعا ده ال حبت الطبخ عشان كده بأه سهل بالنسبالها وتبدع فيه كمان والولد أما ييجي يشتغل بيبأه خايف من جو الشغل والرهبه مالياه وخايف من الأخطاء وبعد كده بيدور شغله بسهولة
الخلاصة أنا عايز اوصل لحضراتكم حاجة
لو عايز تحترف حاجة حبها وبعد كده ركز وافتكر كل ال أنا قولته إنك وأنت صغير أو بعد ماكبرت إزاي كانت ف حاجات صعبه عليك وبعد كده بقيت بتنفذها وأنت مغمض ف الختام
اللهم لا سهل إلا ماجعلته سهلا وأنت تجعل الصعب إذا شئت سهلا
امين يارب
رامي أبوالعز