تحية طيبة
الشاب النسوانجي او الشاب بتاع البنات او الشاب الي ليه تجارب ... ايا كان المسمى فالنتيجة هي صورة الشاب المعدوم الاحساس الذي يتلذذ بالتلاعب بمشاعر الفتيات وبعدين يسبها ويدور على غيرها لا وكمان ممكن يتهم انه بيتفاخر انه قدر يتعرف على فلانة او علانة !!
تمام كدا ؟
في الاول هنفرق بين نوعين من الشباب الي من النوع دا
نوع بيعرف بنات كتير علشان متعته الجسدية ودا مش محل موضوعنا هنا
ونوع بيعرف بنات كتير بحثا عن المشاعر او الرومانسية الي في خياله وهو دا موضوع نقاشنا
الشاب الي بيعرف بنات كتير دا يمكن اكتر شاب غلبان في انواع الشباب لانه بيقضي تقريبا وقته يدور على بنت يعيش معاها قصة حب اسطورية او بمعنى بسيط قصة حب يتخيلها في مخيلته
وكتيييييير جدا بيفشل الشاب دا في انه يلاقي البنت الي تديله المعنى دا علشان كدا بيحاول مرة تانية مع غيرها وهكذا
يعني باختصار لو الشاب دا كان لقى الحب الي حلم بيه من الاول مكنش دور وتعب نفسه وتعب غيره
الغريب بقى :ان اصلا اصلا اصلا البنات بتحب الشاب متعدد العلاقات والي ليه تجارب كتير ! وفي نفس الوقت بتحب الشاب المخلص !!! حاجة في منتهى العجب
قصة قصيرة :مرة بنت بكلمها قعدت تزن على وداني انها تسمعني بكلم بنت غيرها ! ومع تعجبي ومع اصرارها روحت مكلم بنت اعرفها في الموبايل و الغريب والعجيب والمريب والرهيب والمدهش والمفجع و المفزع ان البنت الي قعد تزن على وداني بعد ما خلصت مكالمتي قالتلي في منتهى الحزن
"من فضلك متكلمنيش تاني" وبعدين عيطت ومشيت !!!
بذمتكو مش حاجة تجنن !
الخلاصة :
نظرة عطف للشاب الي عرف بنات والتفرقة بين الشاب المش كويس والشاب الرومانسي
وشكرا
كيموتوب
المش كويس هههههههههه