سيدتى الفاضلة
الدنيا فى مصر خربت (للستات قبل الرجالة) من أول ما عملوا الجمعيات النسائية اللى ماسكها شوية ستات فاضية فاشلات فى حياتهم مطالبين (بتماثل) الرجل والمرآة
حضرتك بتقولى المغتصبات فى السعودية بيعملوا ايه (يا عينى عليهم) طب الأول شوفى عددهم هناك كام (ان وجد أصلا) لوجود حدود شرعية تطبق على الكبير قبل الصغير مع معاملة المجتمع للمرأة (كجوهرة مصونة), و شوفى العدد فى مصر كام (كل يوم) مع حرية المرآة و القوانين الوضعية اللى كل يوم بنعدل فيها و الجرائم بمختلف أنواعها فى زيادة, و احنا فالحين بس نقول ان مصر بلد الأزهر (اللى قرب يبقى مزار أثرى سياحى) و بلد الاسلام و المسلمين و احنا قاعدين بنتابع بكل اجتهاد أخبار (واحدة قالعة ملط) و بنتسابق فى التريقة و التنكيت على (الاخوان المسلمين) و خايفيين أحسن (يقيدوا حريتنا)!!!!!!!!!!!!!!!
و النبى و النبى يا اسلاماز و النبى بلاش تخلينى ادخل فى موضوع الفجور فى السعوديه و الاختصاب و البلاوى اللى عارفها كل اللى عاش هناك و اللى باسمعه لانه بيشيب الراس و انا راسى شايب خلقه هههههههههه
و حيزعلوا منى الاخوه السعودين بس صدقنى حدث و لا حرج عن كل البلاوى دى و كله فى السر و الدرا
و ربنا يسترها علينا جميعا بلاش الكلام فى الموضوع ده لانه فيه اعراض و ربنا يستر على ولايانا
و كفايه الايميلات اللى بتجينى من السعوديه و بيبيعوا حاجات بلاوى بعيد عنك اختراعات غريبه و اشى بينور و اشى بيكهرب و اسى بيلمع و روايح ايه و بلاوى ايه و كله تحت مسمى (السعاده الزوجيه)
و كله بالشرع المصيبه احنا بنسبه الفقر اللى احنا فيه ارخص حاجه و اقصى حاجه ممكن نشتريها من بضايع مستورده تحت اسم السعاده الزوجيه هى (بدل الرقص المنزليه)
و علشان الحد من الزنى (اللى لاحظوا انه انتشر قوى هناك) شرعوا جواز المسيار
واحده ربنا مديها و مش محتاجه راجل يصرف عليها غنيه و هو كمان غنى و ربنا موسعها عليه
كل اللى محتاجينه المتعه يتجوزوا جواز المسيار و هو فى بيته و هى فى بيتها و عايشين حياتهم و وقت ما يتزنق واحد فيهم ينادى التانى بالتليفون يجى يشارك بمجهوده و يروح لامه و لو خلفت طبعا معترف بالولد مش مهم بقى اسس الجواز (الاستقرار و التفاهم و الاحترام و كل الكلام ده ) هو جواز متعه مقنن و مشرع
اللى عايز مصر تبقى سعوديه يبقى عايز يرجعنا للجمال
الا لو اتحررت السعوديه من آل سعود و رجعت ارض الحجاز الشريفه و لا يطلق اسم عيله على ارض شريفه
بلاش تدخلنى و النبى فى اكتر لانه موضوع مستفز
مصر لا يمكن تكون الا مصر
ام الدنيا و حتفضل ام الدنيا
بالنسبه لموضوع الاخوان و السلفين لو قلنا انهم الاسلام بعينه و الازهر مش عاجبك
حد ينكر كميه المخالفات للقوانين اللى حدثت على يدهم فى الانتخابات؟ حتقول لى غيرهم ماليش دعوه بغيرهم الرصبد الاكبر ليهم و كان اعلى نسبه و هم حاملين اسم الاسلام لازم يتحلوا باخلاقه و مخالفه القوانين غش و الرسول صلى الله عليه و سلم قال من غشننا فليس منا
حد ينكر كمبه الرشاوى اللى على عينك يا تاجر؟ و هم يمثلوا الاسلام و الرسول صلى الله عليه و سلم قال الراشى و المرتشى فى النار؟
ناس بتخالف القانون حتحمى القوانين ازاى؟
ناس بتنجح بالغش يبقى حتراعى ربنا فينا ازاى
و ازاى الاسلام تحول و هم محتكرينه الى سلوك غش و مش مكارم الاخلاق؟
نشكرهم على هذه اللى بيظهروها لاطهر و انبل دين
و اذا كان على التريقه و غيره كفايه تريقتهم على بعض و قذفهم لبعض (اخوان و سلف) على عينك يا تاجر بياكلو فى بعض و يفضحوا بعض
يبقى مين فيهم الاسلام الحق؟ اخوان و الا سلف و الا صوفيه و الا بهائيه و الا شيعه
و الا ازهر وسطى سمح؟
انا مع الازهر فى الدين و مش مع من يغشنا لانه ليس منا