نجوم مصرية
منتديات نجوم مصرية منتدى التسلية والترفيه منتدى الحب والرومانسية



تابع نجوم مصرية على أخبار جوجل




اللى بيحب حد وعايز ينساه يعمل ايه

 

هموت على الحب الاول حتى بعد خطوبته




السلام عليكم ورحمة الله وبركاته اولا انا نفسيتي تعبانه جدا بسبب الحب مدمره جدا مشكلتي اني حبيت واحد كان اول حد فاحياتي الحب الاول وهو اللي خلاني احبه كان عندى 17 سنه وهو 25 واعدت معاه سنتين فكره انه بيحبني كنا بنكلم بعض فالموبايل علي طول وكنت بشوفو هو بيشتغل فالمكان اللي اختي سكانه فيه حبيته بجد من قلبي وجه بعض بعد السنتين دول سابني وقالي انا مش بتاع جواز ومكنتش بحبك وانا اعدت اعيط وانهرت واعدت اتحايل عليه يخليه معايا لدرجة اني كنت هبوس ايده راح قالي طيب خلينا اصحاب قولتلو مش هقدر وحولت اكلمو كذا مره واتحايل عليه وهو محسسني اني عملت جريمه اني حبيته واعد يقولي انا اعملك ايه واخر مره كلمتو اعد يقولي نفس الكلام فاعدت اصوت واعيط راحت اختي خددت مني الموبايل واعدت تزعقلو اللي هو بيعملو فيا اعد يقولها نفس الكلام راحت قالتلو منك لله ومتكلمش اختي تاني قالها طيب واعدنا سنه ونص ومابنكلمش بعض افتكرت هقدر انسي ومانستش وجيت الايام دى سمعت انو خطب روحت بعتلو رساله مبروك راح قالي يقولي مين معايا ولمه اتكلمنا قالي انا مقدرتش اخطبك عشان مستوا اخواتك اعلي مني مع انه هو مرتاح وعنده بدل الشقه اتنين المهم افلنا ومن ساعتها بيبعت رساله وانا برد عليه برسايل وعايز يشوفني بس قالي خلينا اصحاب برضو عايزه اقولكم اني بعيط فاليوم تلات اربع مرات انا حبيته بجد مكنتش اعرف ان الحب بيعزب كدا لو كنت اعرف مكنتش حبيته ف حياتي ومحدش يقولي انسي وعيشي لاني حولت مقدرتش وبالزات اني كلمت بعده واحد وقولت اجرب وباعني وعمال يغيزني مع بنات تاني وروحت اكملو برضو ماردش عليا ان مشكلتي اني طيبه ومش قارده اعيش وسط ناس كدا لدرجه اني اتعقدت حد يقولي اعمل ايه تعبت بجد نفسي ارتاح ونام مرتاحه ولو مره واحده وشكرا





معلش ادعي ربنا وهتكوني اقوي ان شاء الله انا زيك تقريبا طيبه اوي ربنا قادر ينسيكي ومتنسيش احنا مش لينا غير كرامتنا

قَـيّـم هذا الحل: 0 0








لحب الا ول يا أختى غالبا مبيصد قش خليك قوية الله معك

قَـيّـم هذا الحل: 0 0









كرامتك ثم كرامتك ثم حبك معلش انا حاقولك حاجة انتى محترمتيش كرامتك وصونتى نفسك وفضلتى معاه بدون اى شكل رسمى وده طبعا مرفوض يبقى هى حيحافظ على اللى بنكوا ويحترمك انسى انتى لسه صغيرة احفظى كرامتك وحتلاقى اللى يقدرك ويخاف عليكى اكيد هو مش كويس وراح حب وخطب واحدة معملتش معاه اللى انتى عملتهوله ولا وقفت جنبه زيك انسى وانسى وانسى واتعودى انكى تعيشى من غيره

قيم هذا الحل سلباً او ايجاباً: 5 0






اولا اهلا بيكى انتى رخصتى نفسك اوى واهديكى القصيدة ديه وديه عن تجربة وياريت تعملى بيها
نويت خلاص انتقم من كل غدر الناس
قدامهم هعمل انى شيلاهم فوق الراس
بس الحقيقة هما تحت نعل المداس
ولايسوى حد عندى الا غدر واسيه
هلعب انا بالكل ماهو ياما لعبوابيا
ولايوم هفكرقلبى لابحب ولابحنية
سامحنى يارب واغفر دااناياماسامحت كتير
كنت بخلص حقيقى من قلبى بكل ضمير
وماشوفت الانفاقهم الكل بمليون وش
كنت بقول اللى فى قلبى من غيراى غش
وده كان مش عاجبهم لانى ماشية دوغرى
هتعلم اكون زيهم اخطف بسرعة واجرى

قيم هذا الحل سلباً او ايجاباً: 8 1









السلام عليكم عمرك ما تنسى الحب الاولانى الا بحب جديد وانا شاب وحدث لى اصعب من كدا

قيم هذا الحل سلباً او ايجاباً: 2 4










نفضيلة وهوا هيجرى وراكى واوعى تزلى نفسك عشان محدش يزلك ولو الك اتجوزينى اوليلو خلى خطبتك تنفعك جمدى البك لاهوا اول الرجالة ولا اخرهم

قَـيّـم هذا الحل: 4 0











انا مش هقولك انسيه ولا حاجه لأن الحب الأول أو اللي بيحب حد الحب ده مش ممكن ينساه
والله وانا مقدر اللي انتي في لأني كنت في قصه شبه القصه ديه
بس هقولك كل ما تفكري فيه افتكري انه هو بني ادم ندل ميستحقش انك تفكري فيه
وبعدين انتي سنك صغير لسه هتقبلي في الدنيا مشاكل مينفعش من أول مشكله كده تيأسي
أنا شايف ان هو ده الحل الوحيد انك تصلي صلاه استخاره وربنا هو اللي هيدلك علي الصح

حل مناسب حسب التصويت. وانت ما هو رأيك? 10 0









ياريت محدش يغلط اللي هيشوف الموضوع يتكلم باحترام لا امه مايكتبليش حاجا يوفرها لنفسه ايه ماحسسني انكم قلبكم جامد اوى وبتددو الناس علي عينهم واللي يشوفكم يلاقيكم بتعمل اللي انا بعملو واكتر

قيم هذا الحل سلباً او ايجاباً: 4 1











بصي يا حبيبتي انتى الي رخصتي نفسك من الاول المفروض كان اول مايقولك انا مش بحبك كنتى تحاولي انك تنسيه لاكن لاسف انتى ماعملتيش كده وبعتي له رسايل

قيم هذا الحل سلباً او ايجاباً: 3 2









الطيبون للطيبات والخبيتون للخبيتات. لو كان طيب لكان زوجك لأنك طيبة والتمسة الطيبة في سردك للقصةوحبك المتفاني. ولكن الله يرزق من يشآء بغير حساب وهو أعلم أين يضع رسالاته.

قيم هذا الحل سلباً او ايجاباً: 5 0









بصى هوا اكيد صعب عليكي انك تنسيه بس هوا مش مقدرك وحياته بئت مش ليكي دة غير اللى مستنيه لانه خاطب بس هوا باعك وكل واحد فينا بيبئا فيه حد جمبو وبيحبو اوى ومش بيحس بيه دورى عللى بيحبك ويصونك ومتذليش نفسك لأى حد لان اى شب بيحب البت التنكه اللى مبيهمهاش حد بس انتى اكيد اتعلمتى ومتضايقيش نفسك خالص انك غلطي انك فى يوم حبيتيه لانك مش هتتعلمى غير لما تغلطى واديكي اتعلمتى واكيد فى يوم هتلاقى اللى بيحبك بجد وخلى كرامتك اغلى من اى حاجة عندك وفوق اى حد حتى لو كان الحد دة انتى بتعشقيه

قيم هذا الحل سلباً او ايجاباً: 5 0









وانتى بقى مسبوطه باللى انتى فيه دا
ملعون ابو الحب اللى يخلى الواحد يتذل كدا
اوعى تكلميه تانى
وقلى لنفسك :
افرض انا اتجوزته وعيشت معاه والحياة بقت زبادى
هيبقى منظرى ايه ؟ وايه قيمته عنده ؟
بجد انتى بالنسباله ولا حاجه
معلش من كلامى
بس دى حقيقة
الواحد مننا بيحب البنت التقيله
انما توصل لأنك هتبوسى ايديه علشان تبقى معاه !؟
ينفع الكلام دا ؟
لازم تنسيه ولو كلمك تنفضى واوعى تضعفى
وقولى لنفسك لما تفتكريه ” دا بيذلنى ازاى اقبل اكلمه ”
عموماً انت حره وبكره تعرفى ان كلامنا دا صح

قيم هذا الحل سلباً او ايجاباً: 9 1








هناك أناس يلقبون بتجار القلوب…..يشتري هذا القلب الطيب اليوم ليبيعه غداّ….أولاً أنا أحسد هذا النذل على هذا الكم الهائل من الحب الذي تكنيه له…..ولكن أعود لأقول القلب ومايعشق….أختي الكريمه اخطاتي بتسليم قلبكي لنذل….نصيحه مني بأن تبتعدي عنه تماماَ وأن تقطعي كل أتصال به…..وتنطلقي في حياتكي…. وأبحثي عن من يقدر هذا الحب الخالص….الشخص الذي يحبكي فعلاَ … ولا تقولي لا أستطيع…والله تستطيعين …. أبحثي عن قوة روحك أبحثي عن قوة إيمانك بالله ….. تقربي من الله وادعيه بأن يخلصكي من هذا النذل….تحياتي….

قَـيّـم هذا الحل: 3 0








بجد جرح الحب صعب جدا خصوصا انه اول حب بحياتك فمن الصعب انك تنسي بس ربنا وهبنا نعمة النسيان يعني مع مرور الوقت هتقدري كل مابتبعدي انك تنسي اللي باعك بعيه اكيد في الاحسن منه مستنيكي واكيد في كتير بيحبك وانتي مش عطيه لنفسك فرصه تعرفيه ع فكره الشاب بيحب البنت التقيله الراسيه التنكه هو شايف انك معلش في كلمتي مدلوقه عليه فلازم يعمل كدا نصيحه مني خلي كرامتك فوق فوق فوق اي شئ بيقولك ادوس ع حبيبي من اجل كرامتي وان كان الحب سيسلب كرامتي فوداعا للحب ولتحيا كرامتي
نصيحه حاولي متشوفيهوش ولاتردي ع رسايله هو لو مش مرتاح مع خطيبته مش هيستمر ولو حبك اكيد هيجي لحد عندك

قَـيّـم هذا الحل: 3 0









الى هيقولك انسى وعيشى هيبقى عمرو ماحب ولا داق الحب بجد لكن انتى حبيتى من قلبك اوى واكتر انسان بيتعب ف حياتو الى بيحب من قلبو اوى عن تجربه بس مش هقولك انسى طبا لان ده استحاله بس حاولى تحكمى عقلك شويه الانسان ده مش هيتنسى الا اما يظهر حد ف حياتك يقدر ينسيكى ونصيحه اما تحبى ماتحبيش بنسبه ميه ف الميه حطى فى قلبك عشره ف الميه على جمب اذا افترقتو هتقدرى تنسى ولو كملتو سوا قلبك هيبقى كلو حب اتوقعى الغدر من اى حد

قيم هذا الحل سلباً او ايجاباً: 6 0








حبى نفسك و دلعيها يعنى أخرجى و روحى الملاهى مع صحباتك و مارسى أى هواية أو أدرسى لغات فكرى تعملى حاجة بتحبيها .
روحى الكوافير و الجيم وشوفى نفسك.
فكرى فنفسك. لأنك لوحبيتى نفسك مش هتبهدليها و ترخصيها كدة وتخلى اى حد يحس أنه محور حياتك فيتخنق منك و يسيبك.

قَـيّـم هذا الحل: 4 0








كفايه لحد كدا وصوني كرامتك المفروض بعد اللي قاله دا كنتي كرهتيه مش سيبتيه بس وانا لو منك كنت قولتله مع الف سلامه وانت اللي هتخسرني مش انا اللي هخسرك

قيم هذا الحل سلباً او ايجاباً: 6 1








الانسانة التى لا يوجد لها كرامة كالقمامة لا يحترمها احد وكل الناس تدوس عليها
لو لم تكن لكى كرامة فأنتى لم تنعمي يوما بالحياة لابد وان تعلم جيدا ان البنت لابد وان يكون عندها كرامة وكرامتها فوق كل شئ وانتى مش رخصتى كرامتك لا
انتى بالشكل دة معنكيش كرامة وانا كاشاب عمرى ما هحب بنت بتجري ورايا وكمان معندهاش كرامة
سوف افعل معها ما شئت ولاكن لن احبها يوما
تزكري ان الحب ليس بيدنا انتى احبتية وهو لم يحبك لماذا تعزبي نفسك بحبة وترخصي نفسك من اجل انسان لايحبك احتفظي اعتقد ان الاسباب اللى قدامك لكرهه كثيرة ولاكنك ضعيفة او صغيرة

قَـيّـم هذا الحل: 3 1






تابع نجوم مصرية على أخبار جوجل




شكرا علي ردودكم وعلي فكره هو كلمني وعايز يشوفني بيقولي انو مابيكلمش خطبتو بقالو اسبوعين وسالتو انت هتجوز امته قالي لسه بدرى سنتين كدا قولتلو انت مرتاح معاها قالي مانا عايز اشوفك واتكلم معاكي

حل غير مناسب حسب التصويت. ما رأيك انت: 0 16








أقولك على حاجة حلوة أنا مش هقولك إنسيه بس هقولك افضلى ابعتى له رسايل لحد يوم زواجه وبعد الزواج افضلى معاه هو خاسس عليه ايه ربنا يوفقك لكن افتكرى انك إنتى اللى عايزة تحس حالك البنت المظلومة أقولك على حاجة لو كان بيجيلك عرسان كويسين دورى على المناسب ليكى إلى حد ما وعايزاك تبص عليه كويس هو دة اللى انتى عايزة تكملى حياتك معاه ولا لأه وربنا هيوفقك بإذن الله وتقدرى تبعدى عن الآخر دة على فكرة دة بيتلكك بحكاية انت من عيلة أعلى والكلام دة لو كان فى نية أنه يتجوز كان اتحدى كل الناس وانت عارفة كدة كويس وربنا يوفقك

قيم هذا الحل سلباً او ايجاباً: 7 0










كنت قد علقت على مشكلتك وهاأنذا أعود مرة ثانية لاقول لك
يا بنتي لاترسلي رسائل لهذا الشاب لأنه لو كان يحبك لتقدم لخطبتك وهو الآن قد اختار شريكة حياته .و تستطيعين نسيانه بالصبر والصلاة والعزيمة القوية .أنت يا بنتي عاطفية زيادة عن اللزوم ولا توهمي نفسك بأنك سوف لن تستطيعين نسيانه بل بالعكس سوف يأتي يوم وتضحكين على نفسك من سذاجتك وبراءتك
استعيني يا بنتي بالصلاة والدعاء ويارب يرزقك بزوج صالح تكونين له زوجة صالحة
وللي باعك لا تشتريه

قيم هذا الحل سلباً او ايجاباً: 8 0









أولا أهلا بيكي يا صاحبة الرسالة ومن المدهش أن قصتك لا تختلف كثيرا عن قصتي ولكن ما فعله معكي هو الذي فعلته معي من أحببتها وهذا بعد مرور 4 سنوات أنا أتذكرها في كل مناسبة وهيا تتجاهلني دائما حتي كرهت الدنيا كلها ولكن أستيقظت من هذا الكابوس أتدرين ما الذي جعلني أستيقظ من هذه الصدمة أني كنت أسميها الحب الأول ولكنها إسمها الحقيقي ” الوهم الأول ” أو ” الجرح الأول ” إختاري ما تشائين ولكن هذه هي الحقيقة . لو كان حب حقيقي كان عاش وعمره ما مات أو إنتهي ولكن هذا كان مجرد تسلية فإنتبهي وعيشي حياتي من جديد وإمسحي هذه الذكرة السيئة من حياتك وحاولي أن تشغلي نفسك دائما بما هو مفيد ووجهي تفكيرك دائما أنه إنسان لا يستحق هذا الوفاء والتقدير الذي تعطيه إياه وشكرا لكي ..

قَـيّـم هذا الحل: 3 0









اختى
لو انتى فعلا واثقه في نفسك وعندك شخصيه قويه يبقي من ساعه ما هو قالك انا مش بتاع جواز ومكنتش بحبك خلاص انتى ارفعي راسك لفوووووق اووووى وتعرفي انك كنتى حد كويس وليه قلب بيحب باخلاص ع العموم انتى تعملى ازاى
ارجعي لربنا وتوبي توبه بجد لربنا لانه الوحيد اللى هيقدر ينسيكي روميو ده
صاحبي بنات ملتزمه يعرفوا طريق الجامع
احفظى واقرى قراءن
صلى باستمرار واستغفرى ربنا
كل العذاب اللى انتى فيه ده بسبب فراغ في وقتك مش اكتر
وصدقيني لو عملتى كدا وبقيتى حد مش رخيص وعنده شخصيه قويه بتحب ربنا
ربنا عمره ما هيسبك وهيبعتلك ابن الحلال اللى يقدر يصونك ويحافظ على قلبك المخلص ده
ورسايل ايه اللى بتتكلمى فيها دي ما خلاص هو خطب وعايش حياته تماموززز
عيشى انتى كمان حياتك في رضا ربنا وهالك واللى هيكون جوزك
وحسبي الله ونعم الوكيل في كل شاب بيلعب بمشاعر وقلوب بنات الناس معاه
“” ربنا يوفقك ويكرمك “

قيم هذا الحل سلباً او ايجاباً: 7 0









يابنتى انتى ايييه اللى بتقولييه دا يعنى انتى علقتى نفسك بيه وجه هوا الاخر قالك انا مش بتاع جواز وجيتى اتحايلتى عليه وبردوا معملكيش خاطر انتى رخصتيلوا نفسك خاااااالص يابنتى دا مش اخر الناس المحترميين ولا اخر الناس الكويسيين انتى لازم تفوقى وبعدين مش معنى انك قابلتى واحد وحش بعد ماسبتيه ان الشباب كله وحش لا والله فى شباب احلى منه الف مره وبعدين دا خطب واحده تانيه يعنى بايعك معلش خالص واوعى تصدقى كلامه دى حجه موضوع المستوى دا . لو عايزك كان اتقدملك وساعتها كنتى انتى حتقولى مش حنتجوز غيره واهلك كانوا حيوافقوا يابنتى اقطعى علاقتك بيه الله يخليكى
واللى يبيعه بيعيه وربنا حيرزقك باللى احسن منه الف مره

حل مناسب حسب التصويت. وانت ما هو رأيك? 14 1









السلام عليكم
انت رخصتي نفسك كثيرا وأهنت كرامتك . الشاب لا يحبك وخطب واحدة غيرك وأنت ما زلت تتبعينه وترسلين له رسائل والله أنا أتأسف لك كثيرا . حاولي تنسيه والله سبحانه وتعالى سوف يرزقك بزوج صالح يحبك ويصونك ويخاف عليك






المقال "اللى بيحب حد وعايز ينساه يعمل ايه" نشر بواسطة: بتاريخ:
قعدة نت
دا موضوع تعبير مش مشكله عاطفيه
%u0632%u0627%u0626%u0631
بجدحس بيكي بس انا حبيته اربع شهور واداني معاد علشان يكلم ولدي ومجاش بحجت ان ابن عمه مات بس خد حهي بجد نفسي احب واحد ميكنش كذاب
subzero000
طيب ايه المطلوب مننا دلوقتى يعنى المشكله موجوده وحلولها موجوده هههههههههههههههه

عموما يعنى انتى رخصتى نفسك من الأول ولازم تخدى بالك المره الجايه لأنك بنت والمفروض يبقى قيمتك غاليه وثمينه

وبالنسبه لنسيان الحب فده صعب لو حد يقدر يقول حل يفيدنى بيه انا كمان عشان أنسى تبقى حاجه كويسه ^_^

بس الحل الوحيد حاليا انى بشرب عرق سوس عشان أنسى هههههههههههههههههههههههههه :d
%u0632%u0627%u0626%u0631
انشاء الله هتنسيه وتعيشي مرتاحه
وكفايه انو الك انا مش بتاع جواز دا انسا حقير اصلآ ميستهلكيش انتي احسن منو وخلي كرامتك فوق كل شئ ولا تقبلي بالذل ملعون ابو الحب ده
وحاولي تختلطي معا الناس ومتقعديش وحدك حزينه وتفكري كتير حرام عليكي نفسك
وادحكي الدنيا متستهلش اللي انتي بتعمليه في نفسك
فهماني قويس
رد زائرhepa
الايسايبك سبيه وبعدين مافيش حد يستاهل انك تفكري فيه لوللحظهياريت اكون فيدتك
بوده عسكر
بصي ياءختي أقوللك علي حاجة الاءقوي من الحب التعود علي الشيء وومكن الحب الي كنتي بتتمنية دة لنا تصتدمي معاة بصخرة الحياة كنتي تكرهي اليوم الي عرفتية فية لما واحد بيحب يتخلص من شيء بننصحوا دائما اولا يغير روتين يومة الي كان علية حتي من أبسط الاءشياء ادامك تحدي لازم تكوني ادة هوا أنك ماتخسريش نفسك وانك تكوني مقبلة علي ذكريات باءذن اللة أفضل منها



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اللى يعمل كدة اصدقه لما يعمل كدة
اللي عنده مدونة اجنبي وعايز زوار,, يدخل هنا وانا اجيبله الزوار بطريقة شرعية تماما
قصص غريبة تحدث فى العالم ونحن اخر من يعلم

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية