أبدت الفنانة الجميلة ليلى علوى، عن بالغ سعادتها بخصوص تكريم الفنانة لبلبة بجائزة الهرم الذهبى لإنجاز العمر، وذلك ضمن فاعليات مهرجان القاهرة السينمائى الدولى برئاسة الفنان حسين فهمى في دورته الـ 44.
ليلى علوى لـ لبلبة على هامش حفل تكريمها: اكتبى مذكراتك واللى مش عاوزة تقوليه برتحتك
وأكدت الفنان خلال الندوة التى أُقيمت على هامش حفل التكريم بالمهرجان، وقالت:ـ “بجد بحبك يا لبلبة أوى، وده علشان إنتى فنانة لها كل احترام وتقدير، وكمان صديقة عمرى وعشرة في السفر، وفى مسيرة حياتنا أنا مش ممكن أبقى زيها في حاجات كتير مختلفة بينا، وده ميمنعش إننا بنتشابه في حاجات تانية، وده علشان أنا اشتغلت وأنا عندى 7 سنوات”.
وأضافت الفنانة خلال الندوة:ـ “واجهنا كتير من التحديات علشان نحافظ على الحاجات اللى بنحبها.. بجد إنتى سيدة تستحقى كل احترام وتقدير، وده علشان إنتى فنانة شاملة وقدرتى تحافظى على شغلك اللى هو رقم واحد في حياتك وبعد مماتك”.
وفى نهاية حديثها طلبت ليلى من لبلبة، أن تقوم بكتابة مذكراتها وقالت:ـ “اكتبى وسجلى ذكرياتك وحياتك، وكمان اللى مش حابه تكتبيه احذفيه.. ده أبسط حقوقك.. شكراً لمسيرتك الفنية الجميلة والمليئة بالعطاء”.
وجديراً بالذكر، بأن مهرجان القاهرة السينمائى الدولى في دورته الـ 44 برئاسة الفنان حسين فهمى، قام بتكريم الفنانة الجميلة لبلبة ومنحها جائزة الهرم الذهبى لإنجاز العمر، وقام رئيس المهرحان الفنان حسين فهمى بتسليمها الجائزة، وأكدت الفنانة لبلبة أثناء استلامها الجائزة عن بالغ سعادتها ووجهت شكر خاص لوزيرة الثقافة الدكتورة نفين الكيلانى، وأيضاً وجهت الشكر لإدارة المهرجان بالكامل.
