حلت الفنانة الجميلة صفاء جلال ضيفة ببرنامج “كلام الناس”، والتى تقوم بتقديمة الاعلامية المعروفة ياسمين عز، والذى يذاع من خلال فضائية “mbc مصر”، وأكدت الفنانة بأن زوجها اشترط عليها عدم تجسيد دور الراقصة مرة ثانية، وذلك بعد أن قامت به في مسلسل “امرأة من زمن الحب”.
صفاء جلال: "جوزى اشترط عليا معملش دور رقاصة وربنا يهدينى ويكتب لى الحجاب زى بنتى"
وصرحت الفنانة:ـ “بعد لما عملت دور الراقصة في مسلسل (امرأة من زمن الحب) جوزى قالى مش ممكن تعملى دور راقصة تانى أبداً، وإحنا هنكمل بالفن بس تعملى دور رقاصة لأ، وانا من ساعتها سمعت الكلام علشان مزعلهوش”.
وقامت الاعلامية ياسمين، بتوجيه سؤال للفنانة صفاء قائلة:ـ “الكل بقول إزاى بنت حضرتك تبقى محجبة وإنتى لأ”، لتقوم الفنانة بالرد قائلة:ـ “يوم عيد ميلاد بنتى أنا رفعت صورة على صفحتى الرسمية، وبعدها مباشرةً الموضوع إتحول لهجوم شديد عليا”.
وأكدت الفنانة خلال اللقاء:ـ “كتير من الناس هاجمونى، ومنهم اللى قالى إتقى الله وإتعلمى الأخلاق من بنتك.. ياشيخة إنتى رجلك والقبر خافى ربنا شوية، وكمان الراحل وائل الإبراشى ساعتها عمل مداخلة وبنتى سلمى اتكلمت معاه وقالت بإن ماما هى اللى علمتنى كل حاجة حلوة في حياتى”.
وأنهت الفنانة حديثها:ـ “أنا بنتى إختارت إنها تلبس الحجاب وهى في الثانوية العامة، وأنا قولتلها لو هتعملى بيه وهتلتزمى صح يبقا أنا معاكى، وهى رحبت ولبسته عن إقتناع وبكل حب، وكمان أنا عاوزة أقول بإن الحجاب لبس شرعى.. ربنا يهدينى وألبسة، وده علشان انا حابه ألبسة زى والدتى وأُختى، وكمان كتير من صحباتى محجبات، وأنا بجد نفسى أوى أبقى زيهم.. يارب ساعدنى وإهدنى”.
مسابقة حلم 0599706462