طريقه عمل البسبوسه
طريقة عمل البسبوسة المصرية

سوف نقدم لكم اليوم عبر موقع نجوم مصرية طريقه عمل البسبوسه ، حيث تعتبر من الحلويات اللي ممكن نعملها في أعياد الميلاد البسبوسه، وممكن نحلى بيها بعد الغداء، وها تلاقى كتير بيحبها، ومن المعلومات المعروفة أن البسبوسه حلوى شرقيه ، أصلها مصري وطبعاً ليها طرق كتير تختلف من بلده إلى أخرى، النهار ده ها نقدم طريقة من طرق عمل البسبوسه لعشاق البسبوسه فتابعونا.

مقادير طريقة عمل البسبوسة

  • كيس بسبوسه أو سميد.
  • كوب زبادى.
  • باكو فانيليا.
  • كوب ماء.
  • معلقه كبيره بيكنج بودر أو نص باكو.
  • معلقتين سمنه بدرجة حرارة الغرفة.
  • مكسرات للتزيين (اختياري)
  • جوز هند ( اختياري).
  • زبيب (اختياري).
  • قشده (اختياري).

طريقة عمل البسبوسة

يأتي دورنا في تقديم طريقه عمل البسبوسه، أولا سوف نقوم بإحضار وعاء نفرغ محتويات كيس البسبوسه، وبعدين باكو الفانيليا، وتزود السمنة ونخلط المكونات دي مع بعض، وبعد كده نحط الزبادى ونقلب ، وبعدها جوز الهند والزبيب ونخلط كل ده مع بعضه، هنقوم باستخدام كوبايه الزبادي الفاضية معيار الميه، عشان كده هنخليها كوبايتين ميه، لكن لو هاتستخدمى كوباية كبيره من كوبايات الميه يبقى هي واحده بس .

هنزود الميه وحدى بالك كل ما تبقى البسبوسه طريه يكون احسن لكن مش تبقى سايله يعنى يبقى القوام تباعها وسط، وبعدين نحط البيكنج بودر وتقبلها ، وتجيب صينيه وسط ندهنها زيت أو سمنه أنا بأفضل الزيت عشان ماتبقاش تقيله، ونصب الخليط في الصينية ونهز الصينية عشان يتساوى الخليط ويبقى متوزع في الصينيه كلها، وتزين الوش بالمكسرات ممكن نستخدم عين جمل، لوز، بندق حسب رغبتنا، ولو مفيش مكسرات ممكن تزين بزبيب عادى، بعد ذلك هنسخن الفرن وبعد ما يسخن نهدى النار شويه ونحطها تستوى.

شربات البسبوسة

المقادير وتشمل ” كوبين سكر، كوبين ميه، باكو فانيليا. نقطتين ليمون ” من ثم نقوم بالبدء في طريقة عمل الشربات لاستكمال خطوات طريقة عمل البسبوسة المصرية وهي كالتالي ” نحط السكر في حله وعليه الميه، ونحطهم على البوتاجاز، وبعد ما يغلى شويه نزود الفانيليا، وقبل ما نطفي عنه النار بدقيقه نحط نقطتين ليمون ونطفي، قبل ما تخرج البسبوسه من الفرن لازم نبرد الشربات، ممكن نحطه في الفريزر شويه، بعد ما البسبوسه تستوى نخرجها من الفرن ، نقطعها بالسكينة وبعدين نحط عليها الشربات الصاقع وتسببها تبرد وبالهنا والشفا .

كده نكون قدمنا اشهر طريقه بتتعمل في مصر ، لكن في طرق تانيه كتيره ممكن تتعمل بالبلح زي السعودية، أو تبقى بالقشطه بتتحشى قشطه من جواها ودى هنا في مصر ولكن مش كتير بيعملها لانها بتكون تقيله، ممكن تتعمل بالشيكولاته، ممكن لو إي حد جرب أي طريقه غير اللي قدمناها يكتبها ويبعتهالنا ونجرب طرق جديده .