أسباب شراء الناس “للحمه “بالرغم من ارتفاع اسعارها

بالرغم من ارتفاع أسعار “الحمه في الاسواق المصرية، الا انه مازال بعض الناس يشترون اللحمه ويفضلونها عن غيرها من اللحوم.
وبالرغم من الدعوات التي طالبت الشعب المصري بالاستغناء عن اللحمه بشى اخر، ومن هذه المبادارت مبادرة “بلاها لحمه” الا أن هذه المبادارت لم يكتب لها النجاح اوان تستمر فما السبب لذلك

ولاد البلد رصدت أسباب اقبال الناس في الشارع السويفي على شراء اللحمه وفواكه اللحمه بجميع مشتقاتها من كبده وكرشه وفشه وممبار وكوارع وغيرها، بالرغم من ارتفاع اسعارها فما سبب ذلك.
بداية سلمان سيد عويس 555 سنة، من امام احد محلات الجزارة، لانستطيع الاستغناء عن اللحمة، مهما يرتفع سعرها لازم نجيبها، لان اللحمه عصب الدماغ.
اما خميس قرنى خميس 455 سنه من مركز ناصر، فيقول “اللحمه اللحمه بردة مافيش حاجه تيجى زيها كل حتة لحمه بفرخه سليمه ”
فراخ ايه اللى بتقول عليها دى عامله زى ماية النابت “الفول النابت المبلول “بهذه الكلمات بدات كلمها معنا الست نعمة عبدالله محمد 45 سنة من مركز ناصر، واكملت حوارها لو اكلنا كل يوم فراخ أو بط مانقدرش نستغنى عن اللحمه ولو مرة واحدة في الشهر.
وتقول حمدية أحمد سيد 300 سنة احنا عندنا البط والطيور في البيت كتير بس ماينفعش نعمل منها على طول لازم نشترى لحمة علشان الرجالة والولاد شقاينه واللحمه بتسندهم.
اما الحاج عبد النبى محمد الجدى 655 عام فيقول حاجتين مايقدرش الانسان يستغنى عنهم الانسان اللى بيشتغل وتعبان وهم “اللحمه والزبدة الفلاحى البلدى “فاللحمه عليها عمار الدماغ اما الزبدة فبتقوى العصب أو العظم بتاع الانسان.
ويضيف جابر سعد 400 عام الواحد مننا بياكل اللحمه بتضرب في الدماغ على طول وبيظهر تاثيرهاعلى طول اما الفراخ والبط والطيور التانية دى الواحد بياكلها ولا كانه اكل.
اما عن راى الجزارين في سبب اقبال الناس على اللحمه دون غيرها من انواع اللحوم فيقول أحمد حبشى جزار من مركز ناصر الحمدالله بالرغم من ارتفاع أسعار اللحوم اللى نتج بعد ارتفاع أسعار الدولا وتعويم الجنية، والذي نتج عنه ارتفاع أسعار الماشية بعد ارتفاع أسعار الاعلاف الخاصة بها، مازال الناس يقبلون على اللحمه ومافيش اى تاثير أو ابتعاد من الناس عن اللحمه ومازالت اللحمه لها زبونها اللى بياكلها، ومعروف عن محافظة بنى سويف انها فيها احسن لحمه واحسن جزارين واحسن عجول “وبهايم “في مصر كلها، كل تجار مصر وجزارينها بييجو ياخدو الماشية بتاعتهم من اسواق بنى سويف.
واردف محمد زغلول 555سنة جزار من بنى سويف، ارتفاع أسعار اللحوم اثر على السوق فعلا، لكن الناس عمرها ماهتبطل تاكل لحمه، وفية اقبال من الناس على كل مشتقات اللحمه من كبده وكلوه وكرشه وطحال ده حتى الدهنه الناس بتشتريها لكى تستخدمها كدهان في عمل الطبيخ بدلا من السمنه.
وعن سبب اقبال الناس على اللحمه يقول زغلول أن اللحمه لها فوائد كبيرة للجسم بالإضافة إلى طعمها ومذاقها وكمان تعود الناس عليها وادمنها فهى مثل التعود على شرب السجاير والمخدرات، وممكن يكون فيها مادة بتخلى الناس تدمنها وماتقدرش تستغنى عنها، وبالرغم من ارتفاع أسعار اللحمه الكيلو وصل الآن إلى 110 جنية الناس برده بتاكلها وماحدش هيبطل اكلها