كلمات أغنية أغلى من الياقوت، يبحث العديد من الشباب عن كلمات الأغنية الجديدة أغلي من الياقوت والتي طرحتها شركة Mekky Music Production، الأغنية الجديدة للفنان أحمد مكي فيديو كليب أغنية “أغلى من الياقوت”، عبر قناته على موقع YouTube، وتُعد أغنية أغلي من الياقوت من كلماته وألحان وتوزيع شادى السعيد، وذلك بعد عودته من مرضه الذي عاني منه العام الماضي، والذي أبعده عن الساحة والوسط الفني في الفترة الماضية، حيث أن مكي قد أصيب بمرض شديد قد أصاب الكبد والطحال، مما أدى إلى فقدانه الكثير من وزنه وجعله غير قادر على الحركة، إلى أن تمتثل الشفاء بعزيمته وعاد إلى الساحة الفنية بأغنية أغلي من الياقوت.
كلمات أغنية أغلي من الياقوت
أغنية أغلي من الياقوت الجديدة لـ أحمد مكي:
كلمات أغلي من الياقوت لـ أحمد مكي:
يوم ميلادك يوم ما للدنيا إنت جيت أول علاقتي بيك صوتك ما بيني وبينك حيط
سمعت صوتك إستغربت إتلخبطت إتشديت قلبى إتنفض ما بين ضلوعي وم الفرحة بكيت
أول ما شفتك الدنيا لفت بيا، ربى حبنى ووهب ليا من عنده هدية
سرحت فيك ساعات فيك منى كتير حاجات، يا رب تاخد مني بس الحلو في الصفات
وفي وسط زحمة فرحتى فجأة هجم سكات مخلوط صور أبيض في أسود من إلى عشته ومن إلى فات
يمكن عشان الضلمة في طفولتي كانت أكتر من نور، عيل صغير قال بسم الله وقام يعدي في بجور
مش شايف شط أو ميناء لآخر البصر مافيش أمل كان نفسي في حد يعلمني وينصحني ويبقالي المثل
ربك حماني وإتولاني برحمته مافيش جدل بعد ما كل سكة إتسدت وإسودت والباب قفل
يا رب يا كريم إهديني وقويني ووفقني لسكة تربيته على الشىء السليم
عارف إني مش مثالي بس طمعان في كرمك تخلى حاله أحسن من حالي
وانا أوعدك يا رب هحاول أبقى أحسن أب وأديه إلى ما شفته في نهر طفولتى إلى نضب
كل يوم بيعدى وأشوفك فيه بتكبر بتفاجىء إن صفاتى بتظهر فيك أكتر وأكتر
إبتسامتى وضحكتي والمشي وحتى تكشيرتي حتى نومتك رجل فوق رجل دى نسخة من نومتي
قبل وجودك الدنيا ماكنتش فارقة معايا، قلبى ده كان خلاص قلب حجر دى مش كناية
جلدي تخن من قسوة الدنيا ومُر الحكاية بقيت زعلان على الشخص إلى شايفه في المراية
لحد ما إنت جيت غيرتني وكنت الهداية، فتحت بإيدك كل أبواب الرحمة جوايا
لما بحضنك وأحس دقة قلبى جنب قلبك مية في المية ما حبتش في الدنيا قبلك
لما بحضر أول مرة ليك في أى حاجة قلبي بيرفرف وأحس بألف حاجة وحاجة
إحساس غريب جزأ مني إتحول إنسان بيزعل وبيفرح وبيزرع جوايا الحنان خايف عليك من الدنيا يا إبني مالهاش أمان
وبدعي ربنا يحميك ويصونك هو الرحمن كتبت رسالة ليك عشان لو قدري وقته حان ومش مكتوب ليا أكون جنبك لآخر الإمتحان
عاوزك تكون صاحب عزيمة فولاذ حديد مهما الدنيا تحبطك صمم خليك عنيد خليك واثق في نفسك عن حلمك إياك تحيد
مهما إسود الليل وطال هيطلع فجر جديد، عاوزك لربك شاكر وجهد الناس تقدر وإوعى تظلم مهما كنت قادر ربك أقدر
إوعى تفضح عيب إنسان لو ربك ستر، كما تدين تدان ما تضمنشى القدر لو قلت كلمة حق والناس قامت عليك كأنهم قالولك مبروك تسلم إيديك
عشان الكلب الميت ضربه مش مطلوب لكن لو كان شجر مثمر بيتحدف بالطوب لو يوم ذنوبك تقلت إرجع لربك توب
ربك لو حبك هيحبب فيك كل القلوب ساعات بسرح وبسأل نفسى والدماغ تفكر يا ترى حتبقى فعلا ضهري لما أكبر
لما العجز يبدأ ينهش فيا ويجور عليا في عز إحساسى بضعفي هيكون قلبك عليا
لما اللسان يتقل والكلام يصبح بطىء وأعيد نفس الكلام أكتر من مرة، أرجوك تطيق يا ما طلبت منى أعيد حكى الحدوتة كتير
وفي كل مرة أعيدلك قلبى كان بيطير، لما تلاقيني قدمت ومش مواكب عقل جيلك ما تركنيش لجهلي علمني من غير ما أجيلك
خليك عنيا نورلي طريفي لمنتهاه وإفتكر إني من علمك معنى الحياة
لما أبطّل أمشى لوحدي خطوتين لما أكون أضعف إنى أشرب من غير مُعين لما تموت الذاكرة وبالعافية أعرف إنت مين
وجودك جنبي كفاية لحد ما يجيلى اليقين
كلمتين هقولهم عندي “أغلى من الياقوت” كنت معاك يوم ولادتك عايزك جنبي يوم ما أموت.
اقرأ أيضــاً..
كلمات أغنية قالك ندم لعمرو دياب.. من أغاني ألبوم 2018 كل حياتي
كلمات أغنية خلاص قدر لعمرو دياب.. من أغاني ألبوم كل حياتي
وحقق فيديو كليب أغنية “أغلي من الياقوت” للفنان أحمد مكي نسبة مشاهدة عالية اقتربت من عشر ملايين مشاهدة عبر موقع الفيديوهات الشهير “يوتيوب”، خلال الأسبوع الأول من طرحها.
