سما المصري، تهاجم شيرين بشدة بعد التصريح الذى صدر منها فى أخر حفل لها وقامت فيها بالإستهزاء من نهر النيل وقالت أنه يصيب بالبلهارسيا بعد أن طلبت معجبة لبنانية بغناء أغنية “مشربتش من نيلها”، فردت الفنانة المصرية مازحة: “هيجيلك بلهارسيا..  اشربي مياه أفيان أحسن”، وهي أحد شركات المياه المعدنية الشهيرة، قامت سما المصري برد قوي على شيرين على حسابها الشخصي على موقع التواصل الاجتماعي ” الانستجرام “.

وعلقت عليها بقولها: “دي صوره الاخت الفنانة شيرين ايام ما كان عندها بلهارسيا ايام ما كانت بتشرب من ميه النيل قبل ما تتعلم انجليزي وتعرف تقول اسم الميه المعدنية بالانجليزي.. اللهم يرحم كنتي زمان فاكره الليبتون دا رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟؟”.

وبدأت تهاجمها بكلام صادم حتى ترجع شيرين لأصلها، وتتذكر أن مصر هى من صنعت منها فنانة مشهورة فى الوطن العربي، وأضافت: “بصي انا مش هقولك مصر اللي عملتك ولا مصر اللي نضفتك ذي ناس كتير ماهتقولك كده لا سمح الله لا انا هقولك ميه البلهارسيا دي بتاعت مصر…عارفه يعني ايه مصر ولا مش عارفه ؟؟ هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانه ونجمه وانتي طايحه في خلق الله مره عمرو دياب ومره شريف مدكور وصوتي لعساف ضد احمد جمال ابن بلدك”.

وأخذت سما المصري تسخر منها وتذكرها بماضيها وبدايتها، عندما كانت فتاة فقيرة سمراء اللون وذكرتها بأن نصر محروس هو الذى انتشلها ، وقالت عن ذلك” فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ .

وطلبت من شيرين فى أخر كلامها أن ترحل عن بلد البلهارسيا التى لا تليق بها، وتذهب للبنان وتكمل حياتها بها، وأخر تعليق لها ” ملعون ابو الشهره ياشيخه اللي نستك اصلك واهلك وبلدك.. مصر بتمسي عليكي بصورتك القديمه دي وبتقولك اوعي تنسي نفسك.. طبعا الحبيبه هيقولوا لي بصي للبسك الاول.. ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل… اخس ع الفلوس اللي بتغير النفوس”.

لمشاهدة الفيديو