صرحت الفنانة المصرية شريفة فاضل، خلال مداخلة هاتفية لها مع الإعلامي وائل الأبراشي خلال برنامجه”العاشرة مساءً” المذاع عبر فضائية دريم أنها لم تري تكريم من السادات على أدائها لأغنية “أم البطل”.
قالت شريفة فاضل ” أن مش حاسة إني مظلومة من الإعلام؛ لأني خلاص كبرت وراحت عليه”.
وأضافت أيضا” أنا عملت أغنية “أم البطل” بعد أن استشهد ابني في حرب الأستنزاف وأن دي حدوتي، وماكنش في حوار مع الرئيس السادات وحتى مش كرموني”.
وأوضحت أن” التكريم الحقيقي بيجي من الناس وحبهم ليه وشغفهم على سماع ما كنت أقدمه، وفقدان الابن صعب جداً حتى لو أن عارفة أنه في مكان كويس وهو اللي بيشفع لي وللعيلة وبيشهدلي، واللي بيعجبني زي ما نقول أن ربنا خليه يمكن عشان يرحمني”.
وأشارت أيضا” أن الشهادة حاجة تانية خالص غير أنه يموت كده، وأنا اتحملت الألام بطريقة كبيرة لمة استشهد ومهما احكيلك مش هاقدر أوصفلك؛ لأنها ماتحكيش وأن كنت بقول الأغنية وأنا بعيط على المسرح، والناس كانت بتطلب إني أغنيها وكنت بعيد وأنا بأغنيها وكنت ماسكة نفسي بالعافية، لكن أصبت بحاجة زي بنزيف في الأحبال الصوتية؛ وده كان من كثرة الدموع لمه كنت بيطلبوا مني أغني، وأشارت أن مفروض الأم تتكرم وخاصة أم الشهيد؛ لأنها ضحت بحاجات كتير وابنها ده حاجة غالية جداً عليه، ومهما يعملوا مش هايقدور يعوضوها”.
وأكدت أيضا” أنا بتابع الساحة الفنية دايما؛ لأن مابقاش قدامي غير إني أتابع؛ لإني كبرت ومابقتش أقدر أعمل حاجة دلوقتي”.
وتدربت الفنانة المصرية شريفة فاضل، على أيدي الأساطين، لإشاد الديني والموسيقي، وكما التحقت بمعهد الفنون المسرحية، واكتشفها عمر جميعي، وكما أسست كازينو الليل بشارع الهرم.
وأشهر أغانيها، أمانة يا بكرة، وحارة الساقين، وأم البطل، وسألت فين حينا، يا حلو فهمنا، مبروك عليك يا عجباني ياغالي، وورق عنب، وأه يالمكتوب الليل، فلاح كان فايت، ولسة بدري.
