أول تصريح من خريج التوك توك بعد شائعة مقتله بسبب لقاءه مع عمرو الليثي
انتشرت في الآونة الأخيرة بعد حوار ما اشتهر اعلاميًا بـ خريج التوك توك مع الإعلامي عمرو الليثي، شائعة تفيد بـ مقتل سائق التوك توك، الأمر الذي كذبه مقطع فيديو جديد لسائق التوك توك مع صحيفة ” المصري اليوم”.
ظهر سائق التوك توك المدعو مصطفي عبد العظيم في بداية الفيديو مع أولاده الجالسين على حجره يقبلهما ثم قال نصًا: ” أنا بطمن حبايبي الناس اللي تعاطفت معايا المصريين اللي بجد اللي وقفت معايا اخواتي مسلمين ونصارى وأقول لهم متشكرين على تعاطفكم معايا لأنكم فعلًا بتؤيدوا الحق وبتنصروا الحق وأنا الحمدلله بخير وموجود، وحي أرزق وشغال ومفيش أي مشكلة”.
شائعة اعتقال سائق التوك توك
وردًا على شائعة اعتقاله قال: “ومفيش حد زي ما الناس بتقول إن الأمن جاء لي أو جاء لأهلي أو استجوبوني.. أنا شغال زي الفل ومفيش أي مشكلة والحكومة لو عايزة حد لا هو كبير عليها ولا أقل انها تجيبه هاتعرف تجيبه”.
سائق التوك توك: أنا مش جورج كلوني ومينفعش تلعب مع مصر لأنه محدش يلعب مع أم
وتابع :” أنا مش جورج كلوني وأنا إنسان بسيط وأسرتي مش مراتي وزوجتي بس ولكن عندي خالي وأهلي، ودول لو سمعوا أني قتلت أو اعتقلت لن يسعدوا بذلك، ومن يروج اني قتلت فهو ينشر فتنة، وأي حد يروج الشائعات يبقى بيلعب بمصر، ومينفعش حد يلعب مع أم ولو عاوزين خبر أكيد فعندكم مواقع رسمية هي موقع رئاسة الوزراء وموقع الداخلية وموقع القوات المسلحة”.
ويرى البعض أن مصطفي عبد العظيم تحوّل 360 درجة عن الحديث الذي كان يقوله وهو يقود التوك توك أثناء تسجيله مع عمرو الليثي في برنامجه “واحد من الناس” على فضائية “الحياة”.
