“أحمد مكى” و “نيهال نبيل” ينشر أغنية “شكرا يا ماما” بالكلمات
أحمد مكى و نيهال نبيل , شكرا يا ماما - Ahmed Mekky & Nehal Nabil , Shokran Ya Mama

نشر الفنان المصري “أحمد مكي”  ذو الأب الجزائري فيديو كليب “شكراً يا ماما” علي موقع الفيديوهات الشهير “يوتيوب” في قناته “Mekky Music” التي تم أصدارها في عام 2009 بمناسبة عيد الأم وهي من الأغاني الراب بالاشتراك مع الفنانة “نيهال نبيل” معرباً عن مدي حنان الأم وعظمتها وعن عدم مقدرة أي إنسان وصف الأم التي تربي أولادها وتسهر من أجل راحتهم. والأغنية من كلمات : أشرف سليمان، لحن و توزيع : شادي السعيد. والجدير بالذكر أن أخر أعمال الفنان أحمد مكي كانت ” أخر شقاوة”: مع المطرب الشعبي “محمود الليثي”، وحقق من خلالها نجاحًا كبيرًا. وأليكم كلمات الأغنية الجديدة “شكرا يا ماما”.

كلمات أغنية “شكرا يا ماما” “أحمد مكي” و “نيهال نبيل”

حنان ملوش حدود اعظم انسانة في الوجود .. ماما

مهما هحكى اللى في قلبي واللى نفسي اقوله ليكي

مش هيطلع حتى نقطة في بحر احساسي بيكى

كان حلمك تبقى سعيدة مع زوج حنون عليكي

تبنوا حياة جديدة وولادك حواليكي

ويادوب حققتى حلمك جيه وهد البيت عليكي

فجاة راح سابك وحيدة ساب ولادك حتى ليكي

سابك محتارة وحزينة والولاد ماسكين ايديكي

وبقى عندك الاختيار بيت جديد وفرصة تانيه

او تعيشي عمرك وحيدة مع ولادك الصغار

مسئولية صعبة جدا كنتى قد الاختبار

قلتى هختار ولادى ولو هربيهم في نار

من النهاردة دول حياتى مش هسيبهم مهما صار

اللى قالك ليه تضحى واللى قالك ده انتحار

واللى قالت بكرة تيجي تندبي سوء الاختيار

الولاد دول كانوا احنا انا واخواتى الكبار

قدرتى تعدى بينا وتربينا وده انتصار

وجاى اقولك بابتسامة من قلبي شكرا يا ماما

دعوة حلوة منك وايديكي في السما

يسمع ربي منك وينورني انا

اوقات كتير الظروف كانت واقفة ضدك

كنتى بتخبي علينا وتدخلى تبكي لوحدك

واما يدخل حد فينا بتضحكى وتدارى دمعك

بس كنت ببقى عارف مرة بالصدفه سمعتك

وقتها انا روحت حالف باللى خلقك وبغلاوتك

ان ما هتغفل عيوني الا لو فرحت قلبك

وييجي اليوم اللى تكون فيه فخورة انى انا ابنك

لما بشوفك وانتى قاعدة بفضل اراقبك من سكات

وألقى نفسي بقول لنفسي بحب فيكي كتير حاجات

لما بتحكى يوم ولادتى يوم ما خدتيني في ايديكي

روحتى حضنانى بمحبة كل تعبك راح عليكي

قمتى بصالى في عينيا قمتى يومها سألتى نفسك

انت ايه وهتبقى مين يا رب يطهرلى قلبك

كنت بهرب من ايديكي وياما بتدلع عليكي

ولما احس بخوف وغربة بجري واستخبى فيكي

ولو في يوم حسيت تعب جوه حضنك تحتويني

وبصوت حنون ودافى تدعى الرحمن يشفيني

ولما بنكسر او افشل والامل بيبقى فانى

بتقوليلي قوم وكمل قوم وحاول مرة تانى

طول ما فيك الروح يا ابنى قوم وحقق الامانى

ثق في ربك ثق في نفسك قوم عشانك قوم عشانى

بسببك انتى بقيت بقدر طبعا ده انتى ست قيمه

انى طول منا كنت بكبر شايفك انتى ازاى عظيمه

دنا مهما كبرت هاجى هوطى على رجلك وابوسها

دنتى امى وانتى عمري وكل حاجة حلوة حاسسها

من كل قلبي شكرا يا ماما

 

وتعاقد “أحمد مكي” وهو ممثل ومخرج ومؤلف ومغني راب مصري منذ عدة أيام على بطولة فيلم جديد، سيبدأ في تصويره خلال الشهور المقبلة لطرحه العام المقبل 2019 على الأرجح، في موسم عيد الفطر المقبل.ومن أشهر ما قدمة الفنان “أحمد مكي” مسلسل الكبير قوي وقام فيه بدور الكبير وأيضا دور “حزلئوم” في فيلم “لا تراجع ولا أستسلام” وشخصية “أتش دبور” مع الفنان “عادل إمام” في فيلم “مرجان أحمد مرجان”.

اقرأ أيضا :