الغباء دا ليه ناسوا وفولوا وقلقاسوا
وعمره مالبس الذكاء ولا جه على مقاسه
تفتكروا نروح لمين..ماتقولوا يا مجانين
فكرين الناس الوصله..قال ناس صحيح عقلين
تعالوا هاقول الحل..يا إما سلق يا قلى
ونشوف الى ناقص ونحطه فى مية غلى
زمان قالوا كفايه..ومكنش فى مرايا
الغباء طول عمره واصل .ومكنش ليه نهايه
فكرينى بكدب عليكم..يا جماعه عيب عليكم
دا انا طلعه السلم براحه..مش خلق وخداها جرى
قالوا علينا هايفين..طب ماشى واحنا موافقيين
ولو حبوا يقولوا كمان..يقولوا دول ناس فاضيين
كفايه الذكاء ده ليهم..والستاره الى فوقيهُم
تدارى عيوبهم جايز..لكن إحنا شهدين عليهم
وصفونا بالغباء..قال يعنى لو حد فاق
هنوصل معاهم للعالى..ويبطلوا إستهزاء
حقنا تملى رايح..مابين غريب يا ضايع
والاخر يقولوا علينا ..شباب وجيل صايع
كفايه عليا البدايه..محتاجه حد معايا
يحضر الهدايه ..ويحكى كام حكايه
مين جاى تانى ورايا..بإيديه يحكى روايه
ويقول شايف ايه..دا غباء مالوش نهايه