ماليش أمل فى الدنيا دى
ماليش أمل فى الدنيا دى
غير إنى أشوفك متهنى
حتى إن لاقيت إن بعادى
راح يسعدك ابعد عنى
***
اما أنا مهما جرى هفضل
اصون عهد الهوى
وان غبت يوم ولا سنة
هفضل أنا هفضل أنا
بردو انا
***
عندى من الأيام ايام
اقدر اصورها فى بالى
وعندى من الأحلام احلام
هفضل أعيشها فى خيالى
واللى انت شايفه فى عنيا
صورة هواك وجمال طيفك
عشان لو الشوق فاض بيا
هنده عليه واقدر اشوفك
اما انا مهما جرى هفضل
اصون عهد الهوى
وان غبت يوم ولا سنة
هفضل انا هفضل انا
بردو انا
***
احلفك بعذابى اللى انت
عايش فيه متهنى
واحلفك بشبابى اللى
لانابك يوم ولا نابنى
إن جيت فى يوم وماحبتنيش
اكدب عليا ولا تقوليش
خلينى احبك وافضل احبك
من غير مااعرف ايه سر قلبك
خلينى خلينى خلينى احبك
اما انا مهما جرى هفضل
اصون عهد الهوى
وان غبت يوم ولا سنة
هفضل انا هفضل انا
بردو انا
******