المكرونة النجرسكو اسهل و اخف من المكرونة البشاميل و تعد تغيير عن الطريقه التقليدية لعمل صينية المكرونة البشاميل .
المكونات المطلوبة :
----
* نصف كيلو دجاج بانيه .
* كيس مكرونة اقلام و اسلقيها .
* 2 بصلة .
* عدد 2 حبه طماطم .
* فلفلة رومي او حامي حسب الرغبة .
* 3 كوب لبن + كوب ماء و حطي فيهم معلقه دقيق و دوبيها .
الطريقة :
---
* قططعي البصل في الكبة و حطيهم في حلة و معاها معلقه زيت ذرة و تشوحيهم كويس جدا .
* انزلي علي البصل بالفراخ و شوحيها لمده دقيقتين .
* اضربي الطماطم و الفلفل في الخلاط و انزلي بيها علي الفراخ و حطي مكعب مرقه دجاج و شويه ملح و فلفل اسود و غطي عليها لحد لما الفراخ تستوى .
* هاتي اللبن بالماء اللي دائب فيهم الدقيق و حطيها عالفراخ و قلبي بسرعة لحد لما الخليط يتقل و يبقي عامل زي البشاميل .
* و بعد لما يبرد البشاميل حطيه علي المكرونة المسلوقه في صينيه و رشي فوقها جبنة موزاريلا و جبنة رومي
و دخليها الفرن لحد لما الجبنة تسيح بس .
و بالهنا و الشفا ...
و دي فيديوهات لوصفات تهمك
طريقة عمل صوص البشاميل
https
طريقة عمل اللحمة المعصجة
https
طريقة عمل صينية المكرونة بالبشاميل
https
و بانتظار اسئلتكم و استفاراتكم من خلال منتدياتكم نجوم مصرية .