أم على بعجينىة الملفيه اكله من الحلويات اللذيذة والمشهورة جدا من عصر السلطانة شجرة الدر لان الاكلة دى سموها ام على لما الست الى قتلت السلطانة شجرة الدر قتلتها وزعت الحلوى دى على جميع البلدة كلها فاطلقوا على الاكلة اسم السيدة دى "ام على " طبعا الوصفة القديمة كانت عبارة عن الرقاق باللبن والسكر والمكسرات لكن انهاردة انا جبتلكم وصفة ام على بعجينة الملفيه
المقادير:
نصف كيلو عجينه ميلفيه جاهزه + 1 لتر لبن + 3 معلقه كبيره سمن او زبده +عسل ابيض + زبيب + جوز هند +سودانى مجروش + سكر حسب الرغبه + قرفه حسب الرغبه + فانيليا
الطريقه :
نحضر طاجن او صنيه بيركس و نكسر فيها الملفيه و نضع فوقها الزبيب و جوز الهند و السودانى و نتركه جانبا و في حله نضع اللبن و السمن و العسل على النار و نقلب و نتركه يغلى حتى تسيح السمن و بعد كده نشيلو من النار و نحط السكر و الفانيليا و القرفه و نقلب بعد كده نصبو فوق الملفيه و ندخلو الفرن على 180 لغايت ما الملفيه يتشرب اللبن و الوجه يحمر