لكل زوارنا الكرام ولكل عشاق اللانشون النهارده سوف اقدم لكم من خلال موقع نجوم مصريه اسهل الطرق لعمل انواع اللانشون وطبعا اللانشون كلنا بنحبه وخاصه اطفالنا بس بنخاف نشتريه من بره فاليكم اسهل واسرع طريقه لعمل اصناف اللانشون بخطوات سهله وبسيطه وامنه ومضمونه يارب ينال اعجابكم ورضاكم
طريقة عمل اللانشون البيتي
بأصنافه
بأصنافه
لانشون اللحم
المقادير
نص كيلو لحمه مفرومه
نص راس ثوم مقشر
من 3 ل 4 معالق بقسماط ناعم جدا او دقيق مش اكتر علشان ماتفرولش
ثلاث قطع جبنه مثلثات
4 بيضات
نص كوب زيت
مكعب مرقه لحم ان وجد اودجاج
حبه فلفل اخضر واحمر
التوابل
ملح فلفل اسمر زعتر حبهان جوزه الطيب حبه البركه شطه بحسب رغبتك
الطريقه
توضع جميع المقاير فالكبه وتفرم جيدا جدا لحد ماتحسي انه بقت فغايه النعومه
تقسم ممكن تعملي نص حار والاخر عادي
تفردي كيس بلاستيك عادي وتضعي عليه نص المقدار طوليا لعمل اسطوانه وتبتدي تلفيه مع ضغط المكونات للداخل
ترجعي تاني تضعي الكيس فقلب ورق فويل او الورق الحراري وتلفيه مره اخري ثم تقفلي من الجوانب جيدا جدا كانك بتلفي بنبونايه
بتغلي ميه فوعاء يكون اكبر من حجم الاستوانطين اللي انت عملتيهم وبعد غليان الميه بتحطي الاستوانتين اللانشون فالماء المغلي وتتركيه من نص ساعه لساعه الا ربع عالنار
نتخرجيه وتتركيه يبرد وتضعيه بالثلاجه لتاني يوم تقطعيه
دوقي كده هتلاقيه لانشون
نسيت اقولك ان حبيتي تضيفي لون احمر علشان يديكي لون اللانشون ضيفي بنجر
بس انا مابضفش الوان وكل ما فضل بالتلاجه نكهته بتزيد وطعمه بيحلو
=======
طريقه عمل لانشون الفراخ
المكونات
بس مجربه نص كيلو صدور دجاج مخليه
كوب بقسماط ناعم
4 فصوص ثوم
بيضتان
ملعقه كسبرة و بقدونس مفروم ناعم
ملح
بهارات
الطريقه
نقطع صدور الدجاج قطع صغيرة ثم نقوم بفرمها مع فصوص الثوم
ثم نفرمها مرة اخرى مع البهارات و الخضرة حتى نحصل على عجينة ناعمه جدا
ثم نضع البيض فى طبق و نضرب كويس بالشوكة و يضاف الى الخليك السابق حتى يندمج تماما مع العجينه
ثم نضع كوب البقسماط نلاحظ تكون عجينة متماسكة جدا
نلف العجينه اما فى ورق قصدير مدهون بالزيت او انا كان عندى الاكياس الخاصة بدخول الفرن حطيتها فيه و بعدين لفيت فوقها ورق قصديرو تحاول تشكلى العجينة على شكل اسطوانى على قد ما تقدرى و ما تخافيش اذا ما اعطتيكيش الشكل المطلوب لانه بعد ما بتدخل الفرن طلعت معايا اسطوانه مظبوطة جدا
ندخل الاسطوانه فى صينية بالفرن و نضع قليل من الماء فى الصينية حتى لا تحترق
و تكون حرارة الفرن متوسطة
و تقريبا بتقعد ساعه فى الفرن
نترك اللانشون بعد خروجه من الفرن لمده حوالى ساعه حتى يبرد
و بعدين نقطعه على قد استخدام يومين او ثلاثه و الباقى وضعته فى لفريزر مقطع جاهز بحيث اخرجه قبل الاكل بشويه
مع العلم تقلبى الاسطوانه بعد نص الوقت على الجهة الاخرى حتى نتاكد من استوائها بالكامل
======
اللانشون بــــــــــــدون لحم
لانشون الجبنه
لانشون الجبنه
شوفوا بقى يابنات مفيش حد مش بيحب اللانشون
بس بنخاف نجيبه من براا
عشان اضراره ومش عارفيين بيتعمل ازااي
عشان كده هوريكم
طريقة عمل اللانشون فى البيت
حاجة كده نضيفة ومضمونة
المقادير :-
- 6قطع جبنه مثلثات اى نوع حتى لو
كانت ارخص نوع
- 4فصوص ثوم كبيره
- 6بيض
- مكعب مرقه دجاج واحد
- 4فصوص حبهان
- 3ملاعق كبيره دقيق
- 1/8 كيلو لحمه مفرومه
- 1/2 كوب زيت
- ملعقه صغيره بهارات لانشون من عند العطار
- ملعقه صغيره فلفل اسمر
- 1/8 كيلو زيتون اخضر مخلى
(لمن يحبها بالزيتون)
- 1/2 ملعهقه صغيره ملح
- لون احمر ونقدر نعمله من البنجر ويضرب مع المكونات في الخلاط
- كيس قطره لا يزيد عن 10 سم لوضع
هذا الخليط فيه فى النهايه
الطريقه :
1- يطحن الحبهان
2- يوضع كل ما سبق مع بعضه فى كبه غويطه او الخلاط ويضاف اليه الحبهان المطحون ويضرب خيدا مع وضع الزيتون فى الاخر ويضرب قليلا حتى لا يطحن قوى ويظهر منه بعض القطع
3- نحضر حله كبيره ونضع تلتينها ماء ونضعها على النار حتى تغلى
4- نضع هذا الخليط فى الكيس الذى قطره لا يزيد عن 10 سم ونربطه من اسفل ومن اعلى جيدا بالخيط
5- يوضع هذا الكيس فى الماء الذى يغلى ومنطفيش البوتاجاز زى ماهو مولع لمده ساعه كامله علشان كده لازم المياه تكون كافيه من الاول
6- بعد ساعه من الغليان نطفى النار ونخرجها نتركها لمده خمس دقائق فقط ثم نفتح الكيس ونقطعها وهى ساخنه
بسكين حامى الى طرنشات رفيع
بعض الملحوظات الهامه:
حكلمكم شويه عن بعض الاخطاء اللى انا اتعرضتلها اثناء عملى للانشون حتى لا يقع فيها احد:
- جبت مره كيس قطره كبير اللى هى اكياس الثلاجه وعند وضع الخليط فيه مااستواش من المنتصف جيدا لانه كان سميك
علشان كده بقول قطره لا يزيد عن 10سم ممكن يقل
- حبيت اعمل هوت دوج فجبت المنبار الرفيع وحشيته لانى مش حلاقى اكياس بهذا الرفع
وللاسف فرقعت فى الحله
جبت اكياس الشيتوس الرفيعه الطويله
وبرده فرقعت فى الحله
افضل الاكياس هى من عند بتاع الاكياس شوف عنده اكياس رفيعه حتلاقى
او بتاعه لعبه
او كيس البلاستيك الموضوع
فيه الشربات
وياريت تحطه كيسين جوه بعض.
ملحوظه:-
عندما يحب طفلك اكل اللانشون ده من غير ما يقلى بالبيض مش مهم لانه معمول معاه بيض
- عندما يريد طفلك اكله نى مش مهم لانه مستوى على النار لمده ساعه كامله.
اهم شئ انك عماله اللانشون
بأيديك وضمناه
غير الموجود في الاسواق
ولا نعلم كيفية تصنيعه
حكلمكم شويه عن بعض الاخطاء اللى انا اتعرضتلها اثناء عملى للانشون حتى لا يقع فيها احد:
- جبت مره كيس قطره كبير اللى هى اكياس الثلاجه وعند وضع الخليط فيه مااستواش من المنتصف جيدا لانه كان سميك
علشان كده بقول قطره لا يزيد عن 10سم ممكن يقل
- حبيت اعمل هوت دوج فجبت المنبار الرفيع وحشيته لانى مش حلاقى اكياس بهذا الرفع
وللاسف فرقعت فى الحله
جبت اكياس الشيتوس الرفيعه الطويله
وبرده فرقعت فى الحله
افضل الاكياس هى من عند بتاع الاكياس شوف عنده اكياس رفيعه حتلاقى
او بتاعه لعبه
او كيس البلاستيك الموضوع
فيه الشربات
وياريت تحطه كيسين جوه بعض.
ملحوظه:-
عندما يحب طفلك اكل اللانشون ده من غير ما يقلى بالبيض مش مهم لانه معمول معاه بيض
- عندما يريد طفلك اكله نى مش مهم لانه مستوى على النار لمده ساعه كامله.
اهم شئ انك عماله اللانشون
بأيديك وضمناه
غير الموجود في الاسواق
ولا نعلم كيفية تصنيعه