ومن ضمن أهم الأكلات دى "الشوربه" طيب ازاى اتعامل معاها ؟ وفى نفس الوقت بشكل لائق
بصى يا ستى أول حاجه خليك فاكرة إنك مش فى بيتكم يعنى ما ترفعيش الطبق كله وتشربى حتى لو كان فاضل شويه صغيره فى الطبق أو السلطنيه ومش قادرة تشربيهم بالمعلقه
ثانيا: ما تمليش المعلقه بالكامل حتى لو كنتى جعانه جدا لأن ده هيخلى شكلك مش لائق والكلام ده فى أى أكل و خاصه فى الشوربه
ثالثا: حاولى أنك متكليش بسرعه حتى لو كان الأكل بارد ، علشان الناس ما تقولش إنك أول مره تشوفى شربه فى حياتك
رابعا: استخدمى معلقه مناسبه ،بمعنى أن ما ينفعش يكون السلطانيه صغيره والمعلقه كبيره علشان تقدرى تاكلى اكتر مثلا لأن ده مش مناسب أبدا
خامسا: حتى لو كانت المعلقه صغيره ماتمليش المعلقه خالص لأنها ممكن تقع على هدومك أو على الطربيزة ،وهيبقى الموقف سئ خالص قدام الناس
وأخيرا بالهنا والشفا
