نجوم مصرية
منتديات نجوم مصرية منتدى التسلية والترفيه نكت مصرية



تابع نجوم مصرية على أخبار جوجل




اجدد نكت 2015 مضحكه مووووت, نكت قصيره هاتفطسوا من الضحك

 


لكل زوار واعضاء منتدى نجوم مصريه ولكل اصحاب النكت والضحك والفرفشه النهارده جايب لكم تشكيله نكت مضحك جدا قصيره يالا شفوها عشان تفرفشوا وتهيصوا ويانا واليكم اجمل واجدد نكت مضحكه موووت يارب تنال اعجابكم ورضاكم



قال مسطول لصديق له : أتدري ان الحمار يدفأ مرة واحدة في السنة ؟
اجاب صديقه مستغربا : سبحان الله لا يعرف هذا الا من كان حمارا .

في واحد انجب 7أولاد فسمى نفسه 7أب

في واحد داخل الملعب ورافع علم اسود ليش؟؟؟؟؟؟ يشجع الحكم

صعيدي صاد سمكه شافها حيه راح غرقها عشان تموت.

صعيدي حب يشرب سيجاره حطها بكوب .

دجـاجة انتـحرت وكتبت في وصيتها خلو ماجي ينفعكم

مرة اتنين صعايدة كانوا قاعدين يحششوا عند الهرم واحد منهم قال للتانى تتصور ياعوضين ان الفراعنة قعدوا يبنوا فى الهرم دة 5000 سنة قالة لية قالة عشان كانوا كل مايرصوا حجرين تيجى الحكومة تشلهم

واحد صعيدي نزل هو وامة القاهرة امة شافت السيارت قالتلة حسنين ايوة يا امة العربيات بتمشي من غير حمار قلها اسكتي يا امة حيتحكوا علينا دا الحمار من جوة

مرة صرصور دخل سوبر ماركت طلع يضحك ؟ لانة راى صورته على علبة الفليت

مره ‏واحد ‏كان ‏ماشي ‏علي ‏الطريق ‏بسرعة ‏ومعاه ‏مراته ‏و ‏فجأه ‏شاف ‏في ‏المرايه ‏شرطي ‏عمال ‏يشاور ‏له ‏عشان ‏يوقف ‏العربيه

وجه ‏الشرطي ‏وقاله: ‏أنت ‏سايق ‏فوق 180 ‏كيلو ‏في ‏الساعه ‏والطريق ‏سرعته 80 ‏كيلو ‏في ‏الساعه ‏علشان ‏كده ‏هاعملك ‏مخالفه
الراجل... ‏معلش ‏انا ‏كنت ‏فوق 80 ‏بشويه ‏مش ‏كتير
الزوجه : ...... ‏لا ‏انت ‏كنت ‏ماشي ‏علي 180 ‏كيلو
الزوج: .... ‏نظرة ‏حقد ‏وغل ‏لمراته
الشرطي: .... ‏وكمان ‏مخالفه ‏علشان ‏الكشاف ‏الخلفي ‏مكسور
الراجل: .... ‏مكسور ‏ازاي ‏انا ‏ما ‏اعرفش ‏انه ‏مكسور
الزوجه : .... ‏ايوه ‏انت ‏عارف ‏ان ‏الكشاف ‏مكسور ‏من ‏كم ‏اسبوع
الزوج: ..... ‏نظرة ‏حقد ‏وغل ‏لمراته
الشرطي: .... ‏ومخالفه ‏كمان ‏لانك ‏مش ‏رابط ‏حزام ‏الامان
الراجل: ....... ‏ده ‏انا ‏لسه ‏فاكك ‏الحزام ‏دلوقتي ‏لما ‏وقفت
الزوجه : .... ‏لا ‏لا ‏لا ‏ده ‏انت ‏عمرك ‏ما ‏ربطت ‏الحزام
الزوج ‏في ‏غيظ ‏صرخ : .... ‏انتي ‏مابتعرفيش ‏تسكتي ‏ابدا
الشرطي ‏يقول ‏للزوجه : .... ‏هو ‏دايما ‏بيزعقلك ‏كده
الزوجه : .... ‏لا ‏بس ‏لما ‏بيكون ‏سكران
الشرطي : .... ‏سكران ‏؟ !!
الراجل: .... ‏لا ‏ما ‏تصدقهاش
الزوجه: ... ‏صدقني ‏احنا ‏لسه ‏لاقيين ‏قزازة ‏خمره ‏في ‏العربية ‏لما ‏سرقناها
الشرطي: .... ‏يعني ‏العربية ‏مسروقه ..‏؟ !!!
الراجل: ... ‏سيبك ‏منها ‏الله ‏يهديك ‏وانتي ‏اسكتي ‏ولا ‏عليا ‏الطلاق ‏اطلقك ‏الشرطي : .... ‏هو ‏دايما ‏كده ‏يهددك ‏بالطلاق .. ‏؟؟؟
الزوجة: .... ‏مش ‏لما ‏يتجوزني ‏الأول ‏وبعدين ‏يحلف ‏بالطلاق

واحد قال لابنه روح شو ف النتيجة ولو نجحت هدبح لك خروف... لما رجع قاله عملت ايه يا ابنى قاله الخروف اتكتبله عمر جديد

سألو محشش مين اهم الشمس

ولا القمر؟؟؟؟؟؟؟
قال طبعا القمر لأنه اذا طلع ينور
لنا الضلمه اما الشمس بتطلع
بالنهار والدنيا منوره اصلا

مرة واحد زهقان من نفسه جدا فقرر انه يتمشي علي البحر وهو بيتمشي لقي


زجاجه ففتحها راح طلعله عفريت قاله شوبيك لوبيك تطلب ايه

قاله ابوس ايدك انا خاطب ليا 5 سنين وعاوز اتجوز ومش لاقي شقه عاوز شقه

راح العفريت ضاربه بالقلم وقاله هو لو انا كنت لاقي شقه كنت نمت في
زجاجه يا حمار---

محشش عطاه أبوه شريط ديني لقاه تاني يوم متحجب

---------------------------------------------------------------------

مدرس هندسة خلف اتنين واستنتج الثالث

---------------------------------------------------------------------

بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة والع؟

----------------------------------------------------------------------

زمان كان جنون البقر

الان انفلونزا الطيور
مستقبلا بواسير السمك
----------------------------------------------------------------------

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد

---------------------------------------------------------------------
مره واحد لقى مصباح سحرى قعد يدعك فيه لحد العفريت ما جاله تسلخات
واحد نزل مصر شاف بتع الانابيب قاله افتحلى واحدة ساقعة
تابع نجوم مصرية على أخبار جوجل


مرة واحد لاقى محل نت كافية مكتوب علية الساعة ب 10 جنيه .. راح دخل وسال هيا ضد المية؟؟
غبى خطف غبية ركبها العربية فضلت تصوت قالها: هتسكتى ولا هنزلك ؟ قالت له لا هسكت
مره واحد فشار قوى بيقول لصاحبه انا كنت ماشى فى الصحرا طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحرا طلع عليا اسد أكلنى.. ارتحت
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.
مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم
ديلفرى بيسأل شيخ قاله هو انا شغلى حرام ؟ قاله ليه انت مش مؤمن؟ قاله لا كنتاكى
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو
واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى
مرة واحد زعلان مع مراته كتب لها ورقة مكتوب فيها صحينى الساعة 6 الصبح قام الساعة 11 لقا ورقة مكتوب عليها اوم اصحا الساعة 6
مرة ظابط طلع على المعاش فتح محل حلويات سماه التورتة في خدمة الشعب
مره وحدة روحت على بيتها متاخر قال لها زوجها :انتى كنتى فين يا مدام ؟؟؟ قالت :لا مهوا … اصلو … كان فى واحد بيعكسنى قال لها :هو بيعكسك انتى اتاخرتى ليه ؟؟؟؟ قالت :اصله كان ماشى على مهله ….!






المقال "اجدد نكت 2015 مضحكه مووووت, نكت قصيره هاتفطسوا من الضحك" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نكت مضحكه جدا 2015 - نكت جديده قصيره تموت من الضحك والهزار - نكت جامده موت
اجدد نكت 2015, نكت قصيره لسه طازه تمووووووووووت من الضحك
نكت قصيره جديده 2015 مضحكه جدا جاااامده مووووت
اجمل وحلى مجموعه نكت 2015 مضحكه جدا جدا هاتفطسوا من الضحك
نكت جديده مضحكه جدا - نكت تفطس من الضحك - نكت مضحكه مووووت

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية