لكل زوار منتدى نجوم مصريه الكرام ولكل حبيبن الزيتون النهارده جايب لكم طريقه سهله جدا لعمل الزيتون الاخضر ويعتبر مخلل الزيتون من انواع المخلالات المفضله والمحبوبه لدى المستهلك واليكم اجمل واسهل واسرع طريقه لعمل مخلل الزيتون الاخصر
المقادير:-
2 كيلو زيتون
كيلو فلفل اخضر حامى
3 معالق توم
للخلطه ( نص كيلو فلفل احمر حامى ونص كيلو جزر و3 معالق حبه البركه و3 معالق عصفر)
ازازة خل كامله
زيت للوش
التحضير: هنغسل الزيتون كويس بالمايه ونعمله شقوق بالسكينه
من الاربع جهات وهنفرم مقادير الخلطه الفلفل الاحمر والجزر فى الكبه ونضيف عليهم حبه البركه والعصفر والتوم
الطبخ: هنخلط الزيتون مع مقادير الخلطه ونضيف الفلفل الاخضر بس حاسبى على ايدك لانه مولع بجوانتى او باى مغرفه كبيرة هنعصر الليمون وهنخلط عليه الخل والملح ونقلبه كويس وهو ده السائل بتاعنا مش هنحط مايه خالص ونبتدى نعبى البرطمان كويس ونسيب ربعه فاضى من فوق ونكبس الزيتون كويس فى البرطمان ونغطى بالقشر كويس اووى
لغايه ما نلاقى مفيش مكان باين فى الزيتون ونحط على وشه زيت كتير
ونغطى بكيس نظيف ونقفل كويس اول 5 ايام تحطوا حاجه تحت البرطمان لانه بيسيل وممكن يبهدلك الدنيا هتسبييه حوالى من 3 اسابيع لشهر