طبعا ساندوتيش الحواوشى جميل معظمنا بيحبه والحواوشى من السندويتشات المفضله والمحبوبه لدى المستهلك ولكن يفضل القلق دايما من مصدر اللحمة وانا شخصيا بحبه وبعمله فى البيت بطريقه صحيه وامنه واليكم اجمل واطعم طريقه لعمل الحواوشى المصرى فى البيت بخطوات سهله جدا وبسيطه اتمنى ان تنال اعجابكم ورضاكم
المقادير
نصف كيلو لحمة مفرومة
- ربع كيلو بصل
- ملح وفلفل
- كمون
– قرفة
وكسبرة
وبودرة التوم والبصل
- 2 قرن فلفل حار
- شطة
- عيش بلدى
- زيت زيتون او اى زيت نباتى
قطعة لية او دهن
مرقة دجاج فورية
4 فصوص توم
4 طماطم(2 مبشورة و2 مقطعة صغير جدا)
الطريقة
نضع اللحمة فى طبق ونخرط عليها البصل والتوم وقطع صغيرة من الطماطم ثم نتبلها بالملح والفلفل والكمون والقرفة والفلفل الحامى والشطة والمرقة الفورية وبودرة التوم والبصل ونخلطهم كلهم مع بعض
ومع اللية المفرومة ثم نأخذ قطعه صغيرة ونفردها كويس قوى داخل الرغيف ونبطط نبطط بأيدنا ونضغط على الرغيف من بره بأيدنا .ضعى ايدك فى زيت زيتون وادهنى الرغبف كويس من بره . وضعى يادوب مسحة صغيرة زيت زيتون اواى زيت فى المقلاية وضعى رغيف الحواوشى واقلبيه على الناحيتين علشان اللحمة تستوى والرغيف يحمر ويقرمش
من بره وبالهنا والشفا وممكن تضعيه فى الفرن حتى يستوى ثم تضعيه فى حلة حتى تنتهى الكمية وبسخن عند الاكل
ملحوظة :
ضرورة وضع اللحمة داخل الخبز طبقة خفيفة فقط عشان اللحمة تستوى