كفته البرغل
مقادير كفته البرغل
كيلو لحمه مفرومه وشين
4 معالق كبيره دهن مفروم
ربع كيلو برغل ناعم مغسول ومش منقوعودي هنعرفها مع بعض
فلفله بلدى خضراء او فلفله مشطشطه للي بيحب الحراق
نصف كوبايه بقدونس مفروم
تفل بصله كبيره مبشوره او 2 وسط
مية البصل المبشور
ملعقه صغيره توم مفروم
ملعقه صغيره ممسوحه او يزيد بكنج بودر
عصير طماطم
ملح فلفل اسود بهار لحم شعرة قرفه
توم بودر بصل بودر جنزبيل بودر كبابه صيني
طريقه عمل كفته البرغل بالصور
ضيفي للحم الدهن والبرغل المغسول والتوابل
وتفل البصل والتوم المفروم والفلفل الاخضر
اخلطي كويس جدا ودخليها التلاجه قبلها بيوم
واحتفظي بعصير البصل في التلاجه
خرجيها وضيفي البكنج بودر والبقدونس
ولو ناشفه لان البرغل هيشرب اي سائل فيها ضيفي كميه من عصير البصل
جهزي طبق ونزلي فيه عصير البصله والطماطم وشعرة ملح وفلفل اسود
وصبعيها على ايد ملعقه خشب وبليليها بعصير البصل والطماطم ورصي في صينيه
دخليها فرن عالي الحراره واول وشها ما ياخد لون خرجيها
وممكن تطفي فيها فحمه على ورقة فويل مدهونه زيت
او تشوي على الجريل او على الفحم
وبالف صحه وعافيه
وبالتوفيق ياارب
3
