اليوم انا حضرتلكم وصفة جنان لكل الناس الى بتحب السناكس انهاردة جبتلكم سناكس جميل جدا بطعم الينسون وهيا قراقيش الينسون بس مش القراقيش الى انتو متعودين عليها دى حاجة جديدة جدا ومختلفة خالص عن اى قراقيش لانها مقلية ايوا مقلية وطعمها جميل جدا وكمان طريقة عملها سهلة وبسيطة واهو تغيير عشان اولادك وزوجك او باباكى ومامتك واخواتك وتجددي عن المعتاد والينسون كلنا عارفين اد ايه هو مفيد ومهدئ للأعصاب وكمان بدل ما تشترى الكيلوا من برة بالشئ الفولانى اعمليها فى البيت بأرخص الاسعار وكمان مضمونة وجودتها كويسة
طيب الوقتى هنشوف مع بعض مقادير العمل
قراقيش الينسون المقلية
2 كوب دقيق
1 كوب سميد
1/2 ملعقة صغيرة حبة البركة
1/2 ملعقة صغيرة شمر
1/2 ملعقة صغيرة ينسون
1/8 ملعقة صغيرة بيكربونات الصودا
1/2 كوب زيت
1 كوب ماء
زيت للقلى
-قراقيش الينسون المقلية
- إخلطى المكونات وإفردى العجين وقطعيه على شكل مستطيلات
- أقليه فى الزيت وقدميه مع الجبنة