لكل الاعضاء وزوار منتدى نجوم مصريه الكرام ولكل اصحاب وعشاق اكلات الكفته النهارده ان شاء الله جيبالكم طريقه لذيذه وتحفه لعمل الكفته المشويه وتعتبر الكفته من الاكلات المحبوبه والمفضله لدى المستهلك واليكم اسهل واجمل واسرع طريقه لعمل الكفته المشويه فى الفرن من مطبخى اتمنى ان تنال اعجابكم ورضاكم
الكفتة المشوية
1/2 كيلو مفروم او حسب ماتحبى
بصلة متوسطة مبشورة
حتة دهنة لحمة مقطعة ناعم
ملح فلفل
معلقة زعتر صغيرة
حزمة بقدونس
وشوية بقسماط ناعم
كام فص ثوم
نخلط كل حاجة مع بعضها وحتة الدهنة وماتخفيش لانها هتنزل كل دة مع الشوى وشوية البقسماط علشان تمسك الخلطة ومتفكش
وبعدين تصبعيها على الخلة الكبيرة اللى زى خلة الاسنان ودى بتكون بدل السيخ اللى للشوى
ودى بعد ماصبعتها بعد كدا تكونى سخنتى الفرن الاول
وبعدين تطفية وتشغلى الشواية ورصى بقى الكفتة على الشبكة بتا عة الفرن وتكونى حاطة تحت الشواية الصاج بتاع الفرن علشان الدهون والحجات اللى هتنزل ما تبهدلش الفرن ومتنسيش تقلبى على الجانبين
لحدما تستوى
ودى بعد ما خرجت من الفرن
وتسحبى الخلة من الكفتة
وبكدا يكون جاهز للتقديم
