السلام عليكم ورحمة الله وبركاته
اليوم جبتلكم وصفة اننا نعمل كيكة ولكن على البوتجاز ومن دون فرن طب ينفع
دا اه ينفع ونص لو اتبعتم معايا الطريقة الى اقولكم عليها انا اول ما عرفتها قولت لازم اقول لكل الموجودين بنجوم مصرية علشان يستفيدوا
هما كمان لان فى ستات بيوت معندهاش الفرن الى يصلح لعمل الكيك وفى ناس عندها ومش بتعرف تستخدمهعلشان كدا جبتلكم طريقة عمل الكيك على النار ومن
غير فرن لكل واحدة عاوزة تجرب تعملها يلا تعالوا معايا بس ركزوا كويس جدا
المقادير
كوبايتين دقيق
معلقة صغيرة فانيليا
3معالق بودرة كاكاو خام
كوب ونصف سكر
كوبايتين حليب سائل
3/4 كوب زيت
4بيض
معلقتين صغيرين بيكنج بودر
رشة ملح
طريقة التحضير
- قومي بخلط البيض والفانيليا في الخلاط أو بالمضرب الكهربى لمدّة دقيقة، ثم أضيفي السكّر وأخلطيهم لدقيقة أخرى، ومن ثم أضيفي الزيت وأخلطيهم أيضاًدقيقة
نضيف كوب حليب ونقلب ونضيف كوب دقيق تدريجيا مع الخلط
ثم نضيف الكوب الاخر من الحليب والكوب الاخر من الدقيق تدريجيا حتى تتجانس جميع المكونات
ثم اقسمى الخليط لنصفين
احدهم نخلط عليه الكاكاو والاخر كما هو ونضيف معلقة صغيرة بيكنج بودر لكل خليط منها مع التقليب
- إدهني قالب الكيك بالقليل من الزيت ورشّي القليل من الدقيق، ثمّ ضعي الخليط الأبيض وضيفي فوقه خليط الكاكاو أو بالعكس حسب الرغبة.
اغلقى قالب الكيك بغطاء محكم مناسب له واتركيه على نار هادئة لمدة 40 دقيقة ثم اختبرى سواه بعد اربعين دقيقة بخلة ثم اقلبيه حتى يبرد وبالهنا والشفا