لكل الاعضاء زوار منتدى نجوم مصريه والى كل عشاق اكلات الكفته النهارده جيبالكم من مطبخى الخاص اجمل طريقه لعمل كفته داود باشا مع البطاطس والارز الاصفر وتعتبر هذه الاكله من الاكلات المحبوبه والمغذيه جدالدى الكبار والصغار واليكم هذه الطريقه السهله والبسيطه بالخطوات والصور يارب تعجبكم
المقادير
1/4كيلو لحم مفروم
حبه بطاطس
بصله مبشورة
فلفل اسود وبهارات
صلصلة طماطم
ارز مصري
كركم
زيت للتحمير
بقسماط مطحون
طريقه الاستعمال
1- نبشر البصل والبطاطس ونعصرهم كويس من المية .
2-نضيف اللحم المفروم و2 معلقه كبيرة بقسماط
والفلفل الاسود والملح والبهارات ومعلقة الصلصة ومعلقة صغيرة بيكينج بودر ونخلطهم كويس.
3-نعمل خليط الكفتة كور متوسطة الحجم وندخلهم الفريزر نص ساعه .
4-في الوقت دة نحضر الصلصة بالطريقة العادية
(بصل مفروم ونحمرة في شوية زيت بعدين نضيف صلصة الطماطم مع طماطم مضروبة ونسيبهم على النار يتسبكو شوية) .
نعمل الارز الابيض المصري العادي بس لما نحمرة نضيف علية معلقة كركم ونضيف المية والملح والمرقة ونسيبة يستوي .
5-نطلع الكفتة ونحمرها في زيت غزير ونطلعها نحطها على ورق المطبخ عشان يشرب الزيت الزيادة
وبعدين نحطها في صلصة الطماطم اللي سبكناها نسيبها تغلي شوية وبعدين نطلعها نقدمها مع الارز والسلطة الخضراء
وبالهناء والشفاء
