نجوم مصرية
منتديات نجوم مصرية منتديات شباب وبنات اغاني - كلمات الاغاني



تابع نجوم مصرية على أخبار جوجل




كلمات جميع اغاني البوم واحدة تانية خالص - دنيا سمير غانم 2014

 

أتحفت وأمتعث المغنية والممثلة دنيا سمير غانم عشاقها بجديدها خلال ألبوم جديد قد تم اصداره من طرف شركة الانتاج "روزناما" بعنوان "واحدة ثانية خالص" ، وقد استغرق التحضير للألبوم أزيد من سنتين من العمل من تأليف وتلحين وغناء إلى أن تم الإنتهاء منه ليصدر في الأسواق في يوم 12 مارس من العام الجاري ، وبعد نشر بعض الاغاني خلال العام المنصرم قد حققت نجاحا كبيرا وارقاما قياسية من المشاهدات في قناتها الرسمية على موقع اليوتيوب ، وفور طرح الألبوم للأسواق شهد اقبالا واسعا في ارجاء الوطن العربي واعجابا كبيرا من طرف الجمهور الخاص بالفنانة ، واليوم سنقدم لكم جميع كلمات اغاني البوم الفنانة دنيا سمير غانم "واحدة تانية خالص".

[ALT="كلمات البوم واحدة تانية خالص - واحدة تانية خالص - دنيا سمير غانم 2014 - كلمات واحدة تانية خالص - واحدة تانية خالص دنيا سمير غانم"]http://pic.myegy.com/images_orginal/2014/Mar/13/untitled-1394738131.jpg[/ALT]

كلمات اغنية واحدة تانية خالص


جرالى ايه من ساعة لما جانى
دانا بخاف لو ثانية يروح بعيد

دا انا بقيت بالليل بسمع اغانى
اللى قديم واللى نازل جديد

دانا بقيت بلبس على كيفه
مبقولش لا على حاجة بيعوزها

وبقيت اشوف كل اللى بيشوفه
والتعليمات بالحرف انفذها

ماهو خلاص سيطر على حياتى
ومفيش ولاد غيره بكلمهم

لا وكمان بينقى صاحباتى
طب هعمل ايه؟ مش عاجبه معظمهم

انا معاه تلميذة فى سنة اولى
بس الغريب انا مبسوطة كده

وبكون معاه على طول هادية وخجولة
مع انى انا في حياتي مش كده

انا معاه تلميذة فى سنة اولى
بس الغريب انا مبسوطة كده

وبكون معاه على طول هادية و خجولة
مع انى انا والله مش كده

دانا بقيت بلبس على كيفه
مبقولش لا على حاجة بيعوزها

وبقيت اشوف كل اللى بيشوفه
والتعليمات بالحرف انفذها

ماهو خلاص سيطر على حياتى
ومفيش ولاد غيره بكلمهم

لا وكمان بينقى صاحباتى
طب هعمل ايه؟ مش عاجبه معظمهم


كلمات اغنية الواد اللو


قال اسمه اللو
كل البنات حبوه بوم بيرو روم بوم بوم بيرو
يتأخر يستنوه بوم بيرو روم بوم بوم بيرو

عامل دايما مشغول وبكل تقل يقول تعالى ناخد تان ع الـ pool
ما هو عارف خط سيره دايما أحسن من غيره

جيبه مليان بخيره وعلية البنات بيغيروا ماهو اصله كتر خيره
لحد مابلغوه اشهار افلاس ابوه كل البنات سابوه وراحو لغيره

عايشينها حظوظ مفيهاش حاجه مضمونة وكل حاجه بقيت بالمقلوب
وش وشين دى الناس بقيت مجنونة وكل أصلى بقى فى منه مضروب

جيم و عضلات عنده يخت وجيتات بوم بيرو روم بوم بوم بيرو
شاغل نفسه بتفاهات بوم بيرو روم بوم بوم بيرو

دايما لابس سينييه وعامل تاتو على ايديه
لو تتقل واحدة عليه تبقى هتتطلع من عينه

وعاملك آل باتشينو والناس كلها حاسدينه وتلاقى شماله بنات وبنات تانية على يمينه
لحد ما بلغوه اشهار افلاس ابوه كل البنات نسيوة مش فاكرينه

عايشينها حظوظ مفيهاش حاجه مضمونة وكل حاجه بقت بالمقلوب
وش وشين دى الناس بقت مجنونة وكل أصلى بقى فيه منه مضروب

قال اسمه اللو كل البنات حبوه بوم بيرو روم بوم بوم بيرو
يتأخر يستنوه بوم بيرو روم بوم بوم بيرو
عامل دايما مشغول وبكل تقل يقول بو بيرو روم بوم بوم بيرو


كلمات اغنية مين عارف


مين عارف هشوفه انا تاني ولا خلاص
ليه سايب حبيبته هنا تصعب كده علي الناس

بيفوت قصادي عمري وقلبي مجروح
وبقول لنفسي عادي كل حاجه حلوة بتروح

علي طول في بالي وفي حضن قلبي شايلاه
صعبان عليا حالي مش قادره ثانية انساه

مين عارف بيعمل ايه ولا في احضان مين
ليه فكراه وهوا خلاص عايش لناس تانيين

لو كان نسيني مش عدل ابقي فكراه
وخلاص اديني ضيعت نفسي في هواه

علي طول في بالي وفي حضن قلبي شايلاه
صعبان عليا حالي مش قادره ثانية انساه


كلمات اغنية مش باقية علي حاجة


بنتمنى ونحلم لو ياخدنا الحب للجنه
ونستني ولما الحب بيجيلنا بنندم انه يوم جالنا

يودعنى يروح ويسيبني ما يسيبني وايه يعني
مدام باعني مفيش قوة ترجعني كفايه سنين بيخدعني

مش باقية علي حاجة ومافيش حاجه عليها اندم
انا كنت غلطانه وبامانه كده ارحم



كلمات اغنية انا وانت لبعض


انا وانت فضلنا كده في دوامة حبيبي كام شهر
شوفنلنا يومين صعبين وبجد احنا اتبهدلنا

نطلع من دبلة نخش في فتحة وشبكة ومهر
حوارات تفاصيل تعبتنا حبيبي وهدت حيلنا

والليلة اهو أدينا، بقينا انا وانت لبعض
هانعيش دنيتنا وليالينا، يا حبيبي في جنة ده وعد

تشطيب الشقة والأجهزة وكمان العفش
ومكان الـ honeymoon خد مننا يا حبيبي شوية

اما الفستان وستايله ده كان موضوع فيه قفش
كنت أنا مبسوطة عشان بتغير يا حبيبي عليا

والليلة اهو أدينا، بقينا انا وانت لبعض
هانعيش دنيتنا وليالينا، يا حبيبي في جنة ده وعد

وانا معاه بحب الحياة، وانا معاه مبسوطة كده
ملناش غير بعض هو وانا .. وعيشتنا هتبقي حب وهنا


كلمات اغنية الوقت بيسرقنا


بنعيش والوقت بيسرقنا وبنمشى ونسرح فى طريقنا
والايام اللى بتجمعنا ممكن فى ثوانى تفرقنا

ساعات الدنيا بتلهينا عن اغلى واقرب ناس لينا
وفى يوم عمرنا ما بنتمناه نلاقيهم مابقوش حوالينا

مبنحسش بقيمه الحاجه الا لما تروح
وكان فى صوت بيصرخ فينا واحنا مابنسمعش

ونندم على اللى ضاعو وراحو وقلبى ده مجروح
ياريت الوقت يرجع بينا بس مبيرجعش

زمان كانوا هنا بيننا وحوالينا واللقى مسموح
ودلوقتى ومهما بكينا اللقى مينفعش

قرب من كل اللى حاببهم شيل عنهم خوفهم وتعبهم
يمكن يسيبوك هما الاول او يمكن انت اللى تسيبهم

على قد ما تقدر فرحهم بصلهم واحفظ ملامحهم
هيجيلك يوم فيه تتمنى لو حتى فى نومك تلمحهم



كلمات اغنية قصة شتا


نزلت من البيت فى المطر ومهمهاش برد الشتا
بقاله كام يوم مختفى مش فاهمة ليه بيعمل كده

نزلت وراحت على مكان كانو فيه تملى بيسهروا
اول ما شافها فى سلامه بان ان مشاعره اتغيروا

وقال كلام مكنتش عارفه تجمعه
متفاجئه بيه مذهوله قاعده بتسمعه

اصل الكلام ده بيبقى ديما اخره بعد
فعلا اوام ظنونها جت فى محلها

ورفع عينيه وبقسوه وبرود قالها
معلش اسف احنا لازم ننسى بعض

سرحت وشافت ذكريات اجمل ليالى عمرها
تابع نجوم مصرية على أخبار جوجل


معقول يعنى قلبه مات فى حياتها ناوى يهدها

بصيتله تانى باهتمام وقالتله متفقين كده
انا جايه اقول نفس الكلام مابقتش عايزه الحب ده

هتقوله ايه مهى مستحيل تستعطفه
معقوله يعنى هتبكى علشان تكسفه

يعنى هيبقى جرح وكمان يبقى ذل
مشيت اوام كانت ضعيفه متشتته

مشيت اوام سعتها حست بالشتا
بس المطر قدام دموعها كان اقل



كلمات اغنية يومى عادى جدا


كان يومى عادى جدا زى اى يوم
صحيت غسلت وشى وحضرت الفطار

بعدين دخلت اوضتى وغيرت الهدوم
ونزلت روحت شغلي وكان الجو نار

في معادها الشمس طلعت وهتمشي في وقتها
الزحمه هي هي والناس علي بعضها

يعني لا الدنيا وقفت ولا بعدك هدني
انا عايشه اهو ماموتش عشان انت سيبتنى

خلصت الشغل وركبت عربيتي
حطيت نفس الاغاني اللي بحبها

بعدين مديت ايديا عادي في شنطتي
طلعت نفس الشوكولاته وكلتها

روحت الساعه سبعه وكنت مكسره
ومانمتش بدري برضو مع اني مقرره

يعني لا الدنيا وقفت ولا بعدك هدني
انا عايشه اهو ماموتش عشان انت سيبتنى



كلمات اغنية شاغلين بالكو ليه


شاغلين بالكو لية بغرامنا وعايزين منا ايه مش فاهمه
لقينا الحب يوم قدامنا وهو الحب كان يوم تهمه

يا ناس انا عندي قلب بني ادمه اكيد من حقى احب
من امتي ده كان الحب ذنب ونعيش ازاي لو راح

انا عدي سنين عليا وبحلم اعيش اللحظه ديا
سيبونا في حالنا ليه الاذيه كفايه كلام وجراح

هفضل احب فيه ومصره دي فرحه ازاي اعيش من غيرها
وعمري بحاله ليه انا حره وهمشي السكه دي لاخرها


كلمات اغنية عليك حبيبى كلام


عليك حبيبى كلام يا سلام غير فيا
بحس وانا وياك بحاجات جديده عليا

حياتى من الليلة دى احلامى قدامى خلاص
فى عيونى نفسى اخبى يا حبيبى عن كل الناس

زيك انا ملقيش ده مفيش كده فى الدنيا
كان حلم عنى بعيد وفى يوم بقى فى ايديا

حياتى م الليلة دى احلامى قدامى خلاص
فى عيونى نفسى اخبى يا حبيبى عن كل الناس


كلمات اغنية لو كنت مكانك



ارتاح خلاص خليتني مجروحة
ومن احزاني مدبوحة
وهزيت ثقتي جوايا

ارتاح رسمت الخطة ببراعة
لا قلبك حس ولا راعي
عذابى وجرحي وبكايا

وبعد ده كله بتقول عني كنت يومين
وتضحك لو يجيبوا في سيرتى بالساعتين

لو كنت مكانك مكنتش هقول ولا نص اللى قلته
كفايه اللى انتا عملته وفي ايه تاني

وبدل ما تقلل فى قيمتي وتجرح اكتر كرامتي
ياريتك متجبشى سيرتى ياريت تنساني

اوقات بنندم فيها علي الطيبة
وأصل الدتيا دي غريبة تملي ترخص الغالي

وخلاص دي غلطه غبية واخيرة
منا انا لو كنت شريرة مكنش هيبقي ده حالي

بتتكلم عليا ازاي كده ومع مين
ده انا اللي عشان رضاها جريت وراها سنين






المقال "كلمات جميع اغاني البوم واحدة تانية خالص - دنيا سمير غانم 2014" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كلمات اغنية يوم عادي جدا -البوم واحدة تانية خالص- دنيا سمير غانم 2014
كلمات أغنية لو كنت مكانك دنيا سمير غانم من البوم واحدة تانية خالص 2014
كلمات اغاني البوم دنيا سمير غانم واحدة تانية خالص 2014

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية