طريقه عمل فراخ محشيه بالارز و اللحمه المفرومه

النهارده جبنالكم طريقه و صفه جديده لعمل الفراخ المحشيه اللى كلنا بنحبها.

طبعا احنا متعودين ان الفراخ محشيه رز او فريك النهارده هنوريكم طريقه ليها تحشوها رز و لحمه مفرومه نتمنى تعجبكم.

عشان نعمل الوصفه دى محتاجين الفرخه تكون فى حدود كيلو مش اكبر من كدا و دا مهم قوى. و طبعا تكون الفرخه صحيحه .

كمان هنستخدم رز و لحمه مفرومه و مكسرات و دقيق وقرفه و حبهان و ورق اللوري

المقادير بقى بالظبط كالاتى

فرخه كاملة وزنها يكون فى حدود كيلو كيلو و 200 جرام

نصف كوبياه رز

100 جرام لحم مفروم

نصف كوب زيت

ملعقة كبيره من كل صنف مكسرات عاوزين نضيفه

ملعقة كبيره دقيق

ملعقة صغيرة ملح

ملعقة صغيرة قرفة

ملعقة صغيرة فلفل الأسود

حبهان مطحون

ورقتي للوري

ماء

الطريقه

يسخن الزيت و يحمر فيه كل نوع مكسرات ناشف زى الجوز و اللوز و الصنوبر كل واحد لوحده و يترفع من على النار

نقلى اللحم في الزيت مع الملح و نصف كمية التوابل و بعد ما يستوى نضيف إليه كوبين من الماء

نضيف رز إلى اللحم و يحرك الخليط و يترك على نار هادئة لحد ما يستوى الرز

تتبل الفرخه باللى باقى من التوابل

يخلط الأرز بالمكسرات و نحشى بيه الفرخه ثم يتم خياطتها

توضع الفرخه في حله و يضاف إليها كوبين من الماء و ورق اللورى وبعد ما تغلى يغطى الوعاء و تخفف الحرارة و يترك مدة 40 دقيقة

يسخن الفرن على درجة حرارة 220 درجة مئوية ثم توضع الفرخه في صينية الفرن و تترك حتى تتحمر ثم تقدم