طريقة عمل السردين المقلي اللذيذ

2 كيلو سردين بلدي متنظف كويس.
7 فصوص توم كبيره
ملح وفلفل حسب الرغبه .
معلقه ونص صغيره كمون
معلقه صغيره كسبره ناشفه مطحونه
نص معلقه صغيره بهارات كاري
نص معلقه صغيره بابريكا
شطه حسب الرغبه
6 حبات ليمون او اكتر حسب الرغبه

مقادير التغطيه :
كوب ونص دقيق
ملح حسب الرغبه
معلقه صغيره كمون
معلقه صغيره كسبره ناشفه مطحونه
نص معلقه صغيره بهارات كاري
نص معلقه صغيره بابريكا
شطه حسب الرغبه

الطريقه:-

طبعا بعد ما ننظف السردين نشطفه بالراحه بالميه عشان ما يتهر اش وبعدين نجهز التتبيله ندق التوم لحد مايبقى ناعم خالص ونحط عليه بهارات التتبيله وعصير ليمون ونبدأ نتبل قطع السردين كويس ونحطه في علبه ونعصر عليه ليمون كويس ونسيبه يتبل براحته .
وبعدين بعد مايتبل كويس نجيب خليط التغطيه وهو الدقيق ونحط عليه البهارات ونقلبه ونجهز طاسه فيها زيت غزير ، وبعدين نجي قطع السردين نقلبها كويس في الدقيق من جوه ومن برره ونستنى اول ما الزيت يسخن نبدأ نحط فيه قطع السردين ونسيبه لحد ما يبقى لونه دهبي والسسردين مش بياخد وقت بيستوي بسررعه وبالهناء والشفاء
ملاحظه : لازم يكون الزيت غزير عشان السردين مايلزقش في القلايه ويتهرى.
والف صحه وهنا على قلبكم يارب