مشكلة الوزن الزائد والسمنة والكرش والبطن الكبيرة والدهون اللى بتبوظ شكل جسمنا صداع ومش صداع عادى لا ده اكبر صداع بنواجه فى حياتنا السمنة دى بجد حاجه بتبقى كابسة على نفس البنت وبتخنقها فى حياتها ده غير التعليقات السخيفى اللى الواحدة بتسمعها كل شوية من الناس واهلها وقرايبها واصحابها وكل واحد يقول انتى سايبه نفسك كده ازاى ما تحاول تعملى رجيم وتخسى وكأن البنت بيبقى عاجبها شكلها كده ومستنيه النصيحه عشان تحاول تعمل رجيم وتخس وغير ده كله بيخلى البنت دايما حاسة بالاحراج من مظهرها وشكل جسمها وبتفقد الثقة فى نفسها ده غير انها مش بتقدر تلبس اى حاجة نفسها فيها وبتضطر تلبس حاجات معينه بمقاسات معينة وطبعا المقاسات الخاصة دى مهما كانت غالية وحلوة الا انها مش بتبان حلوة لانها كبيرة وغير كده السمنة دى بتتسبب فى كتير من الامراض زى مرض السكر والضغط وامراض القلب وعشان كده فى موضوعنا النهاردة جايبنلكم مجموعه طرق هتساعد على زيادة الشعور بالشبع وهى :
1 - شرب المياه
شرب الماء من الحاجات الاساسية اللى بتساعد على كبح الشهية وكمان على زيادة الشعور بالشبع وعشان كده لو حسيتى انك جعانة عليكى انك تشرب 2 كوب مياة قبل الاكل ب 10 دقايق وهتلاحظى ان الجوع اختفى بنسبة كبيرة .
2 - الخضروات
تناول الخضروات وخصوصا الخضروات الورقية الخضراء بتساعد على امتلاء المعدة بصور كبيرة من غير ما تكتسبى سعرات حرارية عالية وده بيساعد على الشبع بدون زيادة فى الوزن .
3 - التفاح
تناول التفاح عند الشعور بالجوع حاجة مفيدة جدا للاحساس بالشبع لان التفاح بيحتوى على مواد بتزود من شعورك بالشبع وعشان كده نصيحتنا ليكم انكم عند الجوع تاكلوا تفاحة كبيرة .
