الطريقه
--------------
انا جبت كيس بسبوسه الجاهز وحطيت عليه معلقه صغيره بيكنج باودر ومعلقتين كبار دقيق ومعلقتين كبار جوز هند وجبت طبق حطيت فيه كباية زبادى بس زبادى المراعى حجمه كبير ممكن يساوى علبتين زبادى من اللى فى مصر المهم حطيت الزبادى وعليه معلقتين سمن بلدى وحركتهم جامد لحد ما دابوا فى بعض وحطيت فوقهم الخليط بتاع البسبوسه وقلبتهم بالراحه حسيت انه تقيل حطيت حبة لبن ودهنت الصينية طحينه ودى نصيحة زوزو القمر وحطيت الخليط وكنت مسخنه الفرن من قبلها على درجة حراره 180 وبعدين اتحمرت من تحت ومن الجناب روحت شغلت الشوايه طلعتها سقيتها شربات بارد وهى سخنه وبعد ما سقيتها الشربات حطيتها فى الفرن تانى خمس دقايق وبعدين سبتها هديت قطعتها وحطيت القشطه فوقها زى ما انتو شايفين وحطيت فسدق وبالهنا والشفا ولو عاوزه البسبوسه تفضل طريه بعد ما تطلع من الفرن غطيها بفويل وخلى دايما المتبقى منها متغطى مش مكشوف