احلى طريقه لعمل السمبوسه بشكل مختلف

النهارده هنقدم ليكم طريقه سهله و لذيذه لعمل السمبوسه بطريقه مختلفه تقدرى تجربيها فى مطبخك بكل سهوله

و السمبوسه هى من المقرمشات و المقبلات المحبوبه من الاطفال و الكبار و يمكن اعداداها باكتر من اسلوب حشو سواء بالجبنه او باللحم او باى طريقه تحبوها.

احنا هنقدم طريه تحضير العجينه للسمبوسه و طريقه الحشو

تقدم السمبوسه بجوار الاكل وهى ساخنه حيث يكون طعمها رائع و هى بديل جيد لاولادك عن الشيبسى و ما شابه.

نتمنى ان طريقتنا النهارده تعجبكم و تجربوها فى مطبخكم .

و طبعا متنسوش تقدرو تضيفو على الوصفه اللى تحبوه و ترجعو لينا باريكم ايه وايه اللى عملتوه لنستفاد منه.

و بالف هناء وشفاء لكم و لاسرتكم .

[IMG][ALT="طريقه عمل السمبوسه"]http://4.bp.blogspot.com/-cRGl0bLS5Io/UwiOUEmHT2I/AAAAAAAAASY/jOufLBxxaS4/s1600/%D8%B3%D9%85%D8%A8%D9%88%D8%B3%D8%A91.png[/ALT][/IMG]

مقادير العجين:

- ½ كيلو دقيق.
- 1 بيضة.
- ½ كوب زيت نباتى.
- 1 ملعقة صغيرة ملح.
- 1 ملعقة كبيرة خميرة فورية.
- 1 ملعقة صغيرة سكر.
- 1 كوب ماء دافئ.
- 1 بيضة كبيرة مخفوقة.

مقادير الحشو:

- ½ كيلو لحم مفروم.
- 2 ملعقة كبيرة زيت زيتون.
- 2 بصلة متوسطة الحجم.
- 2 طماطم كبيرة الحجم.
- ½ ملعقة صغيرة 7 بهارات من عند العطار (بهار لحم).
- 1 ملعقة صغيرة ملح.
- 1 ملعقة صغيرة كاتشب حار (هريس الشطة).
- ¼ كوب صنوبر.

طريقة الحشو:

1 - نغسل الطماطم وتنشف بورق المطبخ، ونقطع مكعبات صغيرة جداً.

2 - نقطع البصل نصين، ويتفرم لحد ما يبقى ناعماً بالسكين أو فى الكبة.

3 - نسخن الزيت فى طاسه على نار متوسطة،و نضيف إليه البصل المفرى، ونقلب لحد البصل ما يطرى.

4 - نضاف اللحم المفروم إلى البصل، ونقلب لحد اللحمه ما تتفكك و يتخلط بالبصل ويبدا لونه يتغير.

5 - نهدى النار تحت الطاسه ونحط مكعبات الطماطم والبهار والملح والكاتشب الحار إلى الخليط، ونقلب ونسيبه حوالى 7 دقائق، مع
الحرص على التقليب من وقت للتانى.

6 - نضيف شويه ماء إلى الخليط ونقلب، ثم نغطيه و نسيبه على النار مع التقليب كل فتره لحد ما يستوى تماما و يشرب ميته، نرفعه
من على النار ونسيبه لحد ما يبرد.

طريقة عمل العجين

:

1 - نحط الخميرة والسكر فى الماء الدافئ، ونفلبهم شويه و بعدين نسيبهم لحد ما تبدا الخميره تتفاعل.

2 - نحط الدقيق فى حاجه كبيره للعجم ، ونعمل بايدنا فتحه فى نصه، نحط فيها البيض والزيت والملح والخميرة.

3 - نعجن الدقيق بالحاجه بايدينا كويس حوالى 5 إلى 8 دقائق، أو لحد ما نحس ان العجين بقى متامسك و نعم و ينفع نشكله.

4 - لو حسينا ان العجينه نشفه ممكن نزودها ماء دافى، أو شويه دقيق لو العجينه طريه وصعب تتشكل.

5 - نلف وعاء العجين بورق النايلون، ونسيبه فى مكان دافئ لمدة 20 دقيقة أو لحد ما يتخمر ويبقى قد حجمه مرتن تقريبا.

6 - نسخن الفرن على حرارة أعلى من المتوسط، وندهن صينيه مسطحة شويه من الزيت.

7 - نرش دقيق على طاوله او رخامه لفرد العجين وعلى النشابة و نضغط على العجين بحيث نخرج منه الهواء.

8 - نفرد العجين على شكل مستطيل ، ثم يقطع بواسطة قطاعه مدوره كبيرة الحجم.

9 - فى وسط كل دايره هنحط معلقه كبيره مع الحشو مع اننا نخلى بالنا الحشو مش يبقى على الاطراف.

10- ندهن اطراف الدواير بالبيض المخفوق و نقفل الاطراف بحيث تبقى السمبوسه زى المكعب العميق من نصه.

11- نرص السمبوسه فى صينيه وندهنها بالبيض المخفوق، وتتحط فى الفرن من 10 إلى 15 دقيقة أو لحد ما يبقى لونها ذهبى.

12- نخرج السمبوسه من الفرن و نرصها فى صينيه التقديم

نتمنى تكون الوصفه عجبتكم و هتجروبها و بالف هناء و شفاء