اى ست بيت نفسها تسعد اهل بيتها زى جوزها واولادها او اى بنت نفسها دايما تتعلم كل حاجه ممكنه وتكون اشطر من اى ست تانية عشان لما تروح لبيت جوزها تتألق فى قيادة خط الهجوم المنزلى اللى هو المطبخ وزى ما قالوا زمان اقرب طريق لقلب الراجل هو معدته والعبارة دى تعتبر صح بنسبة كبيرة مع ناس كتير وخصوصا الشعب المصرى اللى معروف عنه غير خفة الدم والكرم ان شعب اكيل يعنى بيحب الاكل وبتفنن فى صنع الاكلات الجديدة والمبتكرة وعشان كده تلاقى اشهر من امتنهنوا مهنة الشيف فى الوطن العربى مصريين والنهاردة جايبين ليكم وصفة سهلة ولذيذة جدا وهى طريقة عمل الايس كريم باسكن روبنز فى البيت وطبعا احنا عارفين ان الشتا خلاص بيغنى دلوقتى اغنية اودعك وهيسبنا وهنبدأ فى فصل الربيع وهنقدر ناكل الايس كريم براحتنا وعشان كده جبنالكم طريقة عمل الايس كريم روبنز فى البيت ودلوقتى مع الطريقة بالشرح والصور .
المقادير :
8 قطع جبن كيرى + 2 علبة قشطة + 1 علبة لبن نستله محلى + بسكويت اوريو + لوز مبشور محمص + سائل (توفو) + سائل كاكاو + كيس واحد شيكولاته جالاكسى (حبات)
الطريقة :
1 - احضرى صينية تيفال للحلويات وافرشيها من جورة بورق بلاستيك .
2 - كسرى بسكويت اوريو فى قاع الصينية .
3 - اخلطى ( الجبن الكيرى + القشطة + اللبن ) فى الخلاط وصبيها فوق البسكوين وغلفيها من فوق بورق البلاستيك وحطيها فى الفريزر لمدة مش اقل من 6 ساعات لحد ما تتجمد .
4 - بعد التجمد اقلبيها فى صحن وشيلى ورق البلاستيك .
5 - وبعدين زينيها بالكاكاو السائل ووسائل التوفو والشيكولاته واللوز المبشور .
