النهاردة جيبالكوا طريقه سهله للعجينة الهشة او عجينة اللى هنعمل منها كرواسون وممكن منها تعملى الباف بسترى او الميل فاى المهم الاول نعمل العجينة:على الرخامة هنحط 500جم دقيق وعليه ذرة ملح وملعقة بيبكنج بودر و4ملاعق حليب مجفف ونخلطهم ونجيب 50جم زبدة ونقطعها عليها وبعدين نفتتها فيها زى الحبيبات وبعدين نحفر حفرة فى النص ونكون مدوبين ملعقتين خميرة فى 1/2كوب حليب ساقع و3ملاعق سكر ونحطهم فى الحفرة ونلم العجينة من غير عجن وممكن نزيد ماية مثلجة (علشان الخميرة ماتخمرش)لو احتاجت بس من غير عجن (علشان تبقى معاكى هشة ومقرمشة)المهم بترشى دقيق وبتفرديها مستطيل طويل على الرخامة وتغطيها ساعة وفى الوقت ده تجيبى 250جم زبدة وتحطيهم فى كيس بلاستيك وتفردى بالنشابة بحيث تعملى مستطيل نصف حجم العجينة وتدخليه الثلاجة لحين استخدامها المهم بعد ساعة بتجيبى الزبدة وتحطيها على العجينة وتطوى عليها الطرف الآخر من العجينة وترشى دقيق وتفردى براحة بحيث تتخلخل الزبدة مع العجين وبعدين تطوى تلت العجينة وتطوى عليها الطرف الاخر زى الظرف وترشى دقيق وتفردى مستطيل وتطوى طرف وتطوى عليه الطرف الاخر وهكذا تعملى الحركة ديه ست مرات وبين كل مرة والتانية تدخليها التلاجة نصف ساعة علشان الزبدة تتماسك ومتبقاش سايحة ولو مستعجلة ممكن تعملى تلات مرات بس فى كل مرة تعملي الحركة مرتين يعنى ترشى وتطوى وتفردى ترشى وتطوى وتفردى وترجعى التلاجة مهمة الحركة ديه علشان الزبدة تتخلخل فى العجينة وتعمل طبقات كتييييير فى العجينة وتبقى هشة زى بتاعة برة (وعلشان كدة سموها عجينة الالف طبقةاو العجينة الهشة) لحد كدة ممكن تعملى باف بسترى او ميل فاى او كرواسون خلينا فى الكرواسون هنقطع العجينة نصفين ونفرده مستطيل ونقطعه مثلثات وكل مثلث نلفه من القاعدة للقمة يعنى نبرم من تحت لفوق ونلويها (لو عايزة تحشيها جبنة او شيكولاتة تحطى قطعة من الحشوة على الطرف ولازم تكون صلبة مش سائلة علسان لما تتخمر متسيحش وتخرج من العجينة وتتحروق فى الفرن)ونحطها فى صينية مدهونة مادة دهنية ونكرر العملية ثم نغطى الصينية ونتركها تتخمر وندهنها بالبيض والحليب وندخلها الفرن على درجة حرارة 200 مدة10:15 دقيقة الى ان تأخذ اللون الذهبي ثم نخرجها ونقدمها وبالف هنا وشفا
معلومة : العجينة ممكن تقعد معاكى فى التلاجة خمسة أيام وبالف عافية عليكوا ويارب تكون افدتكم
معلومة : العجينة ممكن تقعد معاكى فى التلاجة خمسة أيام وبالف عافية عليكوا ويارب تكون افدتكم