الى بنات وسيدات منديات نجوم مصريه جيبالكم اليوم اكله بسيطه وسهله جدا وطعمها روعه وهى مشهوره
فى معظم البلاد العربيه والحلو فيها انها سريعه يعنى مش بتاخد وقت معاكى وكمان تكفى لعدد كبير من الاسره
وهى طاجن الارز باللحم والثوم وهنشوف مقادير الاكله وطريقتها مع بعض وان شاء الله تعجبكم
اولا المقادير :
2 كوب ارز مغسول وصفى
ثوم حسب الرغبه
بصله كبيره مقطعه ناعم
ربع كيلو لحم احمر
4 اكواب شوربه
فلفل اسود وملح بهاراتك المفضله يعنى ضيفيها
2 ملعقة سمن
ثانيا الطريقه :
اول حاجه هتقدحى السمن على النار وتضيفى ليها اللحمه بعد ما تقطعيها مكعبات صغيره وتقلبيها
وبعدين تنزلى عليها بالبصل وتقلبى شويه وتضيفى الثوم وتستمرى فى التقليب حتى
يحمر اللون
وبعدين تحضرى الطاجن اللى هتستخدميه تدهنيه سمنه وتضعى فيه الرز والخلطه اللى حمرتيها وتضيفى الشوربه
والملح والفلفل والبهارات
وتغطى الطاجن كويس وتدخليه الفرن على نار هاديه لغاية ما يستوى اللحم وبالهنا والشفا
دمتم بود