يا ساكن في الوريد والقلب
وأحلى غرام جالي
كام مرة ليك حنيت
وعزفت الحاني بقلبى
غنوة وراء غنوة
وصبحت موالي
أحكم وأتحكم
ده أنت حبيب غالي الوحيد
ينده عليه القمر
اشوفك فوقيه عالي
تضحك عليه النجوم
وتتحاكى على حالي
يا هل ترى لهفتي
من القلب وصلالك
لأجل تبقالي
زهر المحبة بذرت فيه الشوق
وقلت هترضالي
و رويته بدموعي قلبى
ودمع الهوى غالي
اخر الحصاد احلاه
وجنيت بيه بسمتك
حليت لي أيامي
لو كنت يعني جميل
أجمل ما فيك الروح
ده مهما طال الجمال فاني
خدني لأخر الدنيا
ما ليه حبيب تاني
واهديني تاج الشوق
وبدل عذاب حالي
دلوقتي حتى بلوم الخالي
واللي ما في ليله عشق ولا حن
دلوقتي اهو بنصحه
يمشي الطريق تاني
يتهني يوم باللقاء
ويقول يارب عقبالي
أخر كلامي شفاء
الحب هو الدفاء
من غيره القلب
زي الفراغ خالي
يا سامعين قصتي
قوموا صلوا على الهادي