نجوم مصرية
منتديات نجوم مصرية المنتدى العام منتدى الحوار العام



تابع نجوم مصرية على أخبار جوجل




كنت بحبها جدا جدا جدااااا!

 

قمر ...ظلمتها ...بدر...أجمل ,مش هتصدقو اني فعلا كنت بحلم بيها قبل ما أشوفها ....ايوه و الله حبيتها قبل مااشوفها لو كنت باعرف ارسم كنت رسمت حبيبتي قبل ما اشوفها و طلعت هي ...أول ماشوفتها مسكت نفسي بقوة و تماسكت وابعدت فكرة انها هي اللي بحلم بيها وقلت زميلتي و اتعاملت معاها انها زميلتي و كنت بقول حب ايه ده انا لسه صغير عليه وخليت قلبي يسكن و يهدى لكن حركاتها ضحكتها مشيتها حتى سكونها تأكدلي انها اللي في خيالي ____و أفترقنا فترة ___كانت بالنسبالي أوجع فترات حياتي ___عرفت معنى الشوق و اللوعة وأتأكدت من مشاعري 100% __على اد ما عرفت بنات على اد ان مفيش اللي هز قلبي زيها زلزلت كياني صاحي ,نايم ,قاعد,قايم ادامي في خيالي كل كلمة منها فاكرها و كنت بادعي ربنا اشوفها علشان خلاص لازم أقولها اني بحبها ..... ... ..... و قعدت أدور في كل مكان هنا و هناك و ملقهاش وأقعد أكتب في اشعار و أعزف على عودي أصعب أغاني الولع و الشوق ¤¤¤¤¤~~~~~~لغاية ما صدفة شوفتها في شارع §§§§و ياريتني ما كنت شوفتها ~....~على أد حبي ليها على اد زعلي ...على اد صدمتي فيها ....-أكيد بتسألو مالها عملت أيه?-لقيتها لابسة و مش لابسة يعني ملهوش لازمة اللبس و كل اللي رايح و اللي جاي يبص عليها حتى اصحابي -طبعا ما يعرفوش انها هي اللي بحبها- وبعد ماسلمت عليها و كلمتها و قابلتها تاني في الجامعة و مره في مره رحت أنصحها و هي في رد فعلها مش زعلانة من النصيحة لكن ردها ان ده شياكة وبعد شد وجذب و من مرة في التانية يعني لبسها اتعدل شوية ¥¥¥انا كدة عملت اللي عليا لكن عن نفسي لا يمكن أقدر اخليها زوجة ليا ...____...أتجوز واحدة أصحابي كانو بيبصولها ....أصحابي!!...ده الأمة كلها كانو بيبصولها ...وياريت بص وبس ده خلاف الكلام اللي بيقولو لبعض تغزلا في جمالها ...القرار اللي أتخذته صعب عليا جدا لكن ما أداميش غيره- وأبقى انا اسير حبها في خيالي...






المقال "كنت بحبها جدا جدا جدااااا!" نشر بواسطة: بتاريخ:
المايسترو
الله يكون فى عونك!!!!!!!!!!!!
mezo
شكرا عالموضوع

شد حيلك
Alaa
ربنا يهديها و يتولاك برحمته !!!!!!!!!!!!!
wesam
عادى يا حبيبى ولا تزعل نفسك
كلنا بنحط فى مواقف زى دى مش مشابهة بس صعبة بس الاهم القرار الصح
nonosh
لما انت بتقول صحابي كانوا بيبصوا لها

عشان كده مش هتجوزها

امال الشباب بتكلم البنات ليه

وكل ما تكلموا واحده تقولولها بنحبك ومش هنجوز حد غيرك

وفي الاخر تدوها صابونه


على فكره هقولك حاجه

ممكن بمجرد انك قولتلها بس ظبتى لبسك

تكون هيا اتعلقت بيك ومش بعيد حبتك

عشان لقت حد يصلح فيها

وياريت تتقبل كلامي انا عارفه انه شديد اللهجه

بس متحكمش عليها بسرعه كده

مدام هيا سمعت كلامك واحتشمت او حتى ظبتت في لبسها

يبقي انت تحترمها اكتر مش تقول هسيبها لمجرد

ان صحابك بصوا عليها او قالوا كلمه وحشه

فكر تانى ويمكن تلاقي كلامى صح
خير الدين
والله يا عمنا الحب وهم كبير
صدقني الحب الحقيقي بيجي بعد الزواج الحب المبني على اساس سليم وقوي
الملاك الهادئ ألسن اينجلش
عسي ان تحبوا شيئا وهو شر لكم

وعسي ان تكرهوا شيئا وهو خير لكم


ده نصيب
m_mizo_2008
بجد الله عليكي يا nonoshكلام جامد بجد وانا معاكي اغلب الشباب مش كلهم بيعملوا كده والمفروض ان البنت مش اي حد يقولها حاجه عليها تصدقه وتحبه او تعجب بيه
وسلام
i like being alone
كلامك صح يا nonoshوانا معاكي
zoza_760
حرام عليك بجد تسيبها لمجرد لبسها انت ممكن تحبها وتتقرب منها وهيا بعد كدا تتغير وتغير طريقة لبسها عشان خاطرك واللى بيحب بجد بينسى وبيسامح وانت لو حبتها بجد خليك جمبها وانت تغيرها للأحسن ربنا يوفقك
شـمـوخـى بـكـلـمـتـى
والله الحب ده اسمى شئ فى الوجود بس اللى يفهمه صح
Mscience
في حاجة غريبة يا جماعة ... أنا حاسس من الردود أنكو فاهمين أن انا ضحكت عليها و عيشتها الوهم... و أنا أساسا ما أقولتلهاش و لا صارحتها بحبي ... و لا مبين لها ده ... و بالنسبة لية وليها مش أكتر من أصحاب ممكن ننصح بعض ... لكن بالنسبه لية لوحدي فوالله انا بحبها حب مش لاقي كلام أوصفو بيه ....
Mscience
شكرا لردودكم جميعا
spring rose
انك لاتهدى من تحب ولكن الله يهدى من يشاء يمكن فى يوم من الايام البنت دى تتغير وتبقى احسن من احسن واحده انت لما حاولت معاها هى اتغيرت شويه ويمكن لو حاولت تانى تتغير تانى عموما مدام انت اخدت قرار بالبعد فا احسن ليك تشيلها حتى من خيالك عشان تبدا تدور على حلم جديد وحياه سعيده وبجد ربنا معاك
همسات مسموعه
طيب ماتحاول تغيرها احسن ماتقول هسيبها

اكيد هى لو لقت حد بيحبها وبيغير عليها هتتغير عشانه

ياريت تفكر تانى فى الموضوع ده
ellama
والله حرام تبقى حكاية نادرة وخيالية زى دى تخلص بالسهولة دى
بس فعلا انت ليك حق تبعد عنها بعد ماشفتها بالشكل دة

بس انت ممكن لو لقيتها غيرت من نفسها واتحشمت شوية
ترجعلها تانى

لان مفيش حد ملاك
محمد شلبي
ربنا يعينك وفكر تاني ازاي تحاول تكسبها نار الفراق صعبة قوي اسال مجرب
Mscience
شكرا لردودكم يا جماعة كل واحد وشكرا كمان لنصايحكم بس المشكلة انا مش قادر انساها فعلا مش قادر بقيت بدور عليها بين عيون الناس يمكن هم شايفنها وانا لا ................... انا نفسي اشوفها اكلمها اتطمن عليها انا نفسي اتأكد انها مش ليا يا ريت يجيلي خبر انها اتجوزت والله اكون اسعد انسان و ساعتها بس هاأقدر انساها

لا انا أقدر أنساها ولا قادر أشوفها ولا عارف أتطمن عليها ولا أععرف أخباره انا مشتاق ليها



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بحبها قوى قوى ومش قادر اقولها انى بحبها اعمل ايه؟
صور غريبة جدااااا
شنط يد مميزة جدااااا

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية