انا بحب كيكه الشوكلاته جدا جدا بصوص الشوكلاته بقه من فوق ينهار ابيض بتبقه تحفه تعالو اقولكو الطريقه وهي سهله جدا واااااكيد كتيييير مننا بيحبها مش انا بس يعني فعلشان كده حبيت اقولكو عليها
المكونات :- -
اول حاجه كوبيه لبن + 1 كوب زيت - كوبيه سكر - عدد 4 معلقه كبيره كاكاو بودره - عدد 2 بيضه - كوبيه دقيق - فانيليا + بيكنج بودر
الطريقه - \
هنخلط السكر والزيت واللبن والكاكاو هنضربهم في الخلاط كويس قوي بعد كده هناخد كوبيه من المكونات ونركنها علي جنب - بعد كده هنضيف البيض والفانيليا ونضربهم مع باقي المكونات - هنحط الدقيق والبيكنج بورد تدريجي علي المكونات الي احنا ضربناهم قبل كده لغيط لما تبقه متماسكة ومش سائل خفيف - هنكون محضرين صنيه الكيك ومدهونه زيت او سمنه ودقيق مرشوش في الصنيه علشان متلزقش مننا ونحط فيها السائل - الفرن تكون علي درجه حراره متوسطه وهنسبها لمده نص ساعه - بعد كده نطلعها من الفرن ونحط عليها وهي سخنه كده الكوبيه الي احنا ركنها علي جنب وبتتحط في التلاجه وبتتقدم بارده