السلام عليكم ورحمة الله وربركاته اخواتى الاعزاء كتيير بنعمل حلويات ويعزف عنها اولادنا وعثرت على فكرة السبونج بوب الاولاد بيحبون هذه الشخصية وكمان زاد لما غنى لها حمادة هلال انا سبونج بوب يبقى نعمل تورته سبونج بوب وان شاء الله يقبلوا على اكلها والتهامها المهم فى الموضوع الالوان تكون كلها الوان صحية وانتى عارفة مصدرها والطريقة سهلة جدا ومش حتبذلى الا اقل مجهود
لا يفوتك ايضا
حلا و جاتوه وحلوى القهوة اللذيدة
المقادير
بيضه مفصولين
2كوب دقيق ناقص منهم ملعقتين نحط بدلا منهم ملعقتين نشا
2 كوب سكر
ملعقه كبيره بودر
فانيليا
ثلث كوب ماء
انا زودت ملعقه خل كبيره
وعصير ليمونه
مكان الكريم تارتار
ومكان محسن الكيك
الكيكه دى بنص المقادير اللى فاتت
الطريقه
1---اضربى البياض مع ربع ملعقه ملح ثم يضاف كوب سكر ناعم ويضرب
بالمضرب الكهربى لغايه ما يرتفع ويجمد خالص
2---اضربى الصفار مع كوب سكر ناعم والخل والليمون لغايه ما يخلط ويبيض الصفار وقت قليل جدا
ويضاف الدقيق والبودرعلى الصفار ويضاف الماء ويضرب عادى بالمضرب
الخطوه دى مهمه جدا جدا جدا
يضاف البياض جزء بسيط على خليط الصفار ويقلب بخفه بمعلقه خشب ويكرر لغايه ما يخلص البياض
وتفرش الصينيه بورق زبده ويصب بها الكيك وتدخل الفرن الساخن على 200 لمده 10 دقائق ثم تهدى النار على 180 لغايه ما تستوى
هى خدت معى 45 دقيقه
ولما طفيت الفرن سبتها فى الفرن 10 دقائق والباب موارب
وقلبتها بعد كدا
على منخل
وسيبتها من بليل لتانى يوم
تانى يوم
قسمتها رقات
وحشيتها بالكريمه عادى جدا
وغطيتها بكريمه بسيطه جدا جدا جدا جدا جدا
لازم الكريمه اللى على السطح والجوانب تكون بسيطه
وجهزت عجينه السكر ولونتها الالوان المطلوبه
اصفر
ابيض
احمر
بنى
ازرق
وفردتها مابين كيسين بتكون اسهل كتير من غير رش نشا خالص
فعلا بتكون مريحه جدا
وكمان كنت بقيس بالمزوره الكيك واقيس على العجينه واحدد بالمسطره واقطعها بالسكين
والله اسهل مما كنت اتصورها
بصو دى تقسيمة الجسم بتاعه اهى
ملت العيون
ابيض وازرق وبنى
وعملت الفم والسنتين
والانف كمان
والرجلين واليدين
والرموش والكرافت ولياقه القميص والحذاء
اهى خلصتها وده الشكل النهائى للتورته
