بسم الله الرحمن الرحيم
كل بيت مصرى موجود فيه تلاجه لكن التلاجه المصرية مش لحفظ باقى الطعام او الفاكهه او الخضار والمثلجات وبس ومش بس للميه الساقعه وبس . لأ فى حاجات كتير بنسيبها بره التلاجه وهى لازم تكون جوه التلاجه عشان تحافظى عليها وعلى صحتك وصحه اسرتك وهى :
1- اللبن وجميع منتاجاته زى الجبن بكل أنواعها والزبادى واى حاجه تانيه مشتقه من اللبن
2 - البهارات والتوابل ومتستغربيش من انها لازم تففضل فى التلاجه عشان تفضل محتفظه بالنكهات القويه
3- الصلصات بجميع انواعها زى الكاتشب والمايونيز والطحينه
4- الخضروات العشبيه والورقيه لازم تغسليها كويس وبعدين تجففيها وتحطيها فى كيس قماش فى التلاجه عشان تفضل لاكتر من 15 يوم محتفظه بيها وتقدرى تستعمليها
5- العيش والفطائر والمخبوزات
6- الفراخ واللحوم بأنواعها والسمك لازم تحفظيهم فى الفريزر ولما تكونى عايزه تستعمليهم تطلعيهم لحد لما يلينوا وتسعمليهم خلال 24 ساعه عشان تبقى محتفظه بقيمتها الغذائية
7- الطعام المطبوخ لازم تحفظى الباقي منه فى التلاجه
8- الشوربة ومرقه اللحوم او الفراخ
9- العصاير الطازة بكل انواعها سواء كانت حوامض او عصير فواكهه او قمر الدين
10- البيض لحمايته من الفساد
11- البقوليات المسلوقه لازم تتحفظ فى الفريزر عشان تفضل محتفظه بقيمتها لاكتر من شهر زى الفول والفاصوليا او الحمص .....الخ
كل الحاجات دى لازم تتحفظ فى التلاجه عشان تحافظى علها من التسمم وتحمى صحتك وصحه اسرتك .