انا عارفه طبعا انا كلنا بنمل من كل يوم نعمل ايه اكل بس النهارده ان شاء الله جيبالكم طريقه عمل الفراخ المشويه وصينيه البطاطس فى الفرن من مطبحى وتعتبر هذه الاكلات من الاكلات المحبوبه والمغذيه والمفضله لدى اكبار والصغار واليكم اجمل واطعم طريقه لعمل صينيه الفراخ المشويه وكمان صينيه بطاطس يارب تنال اعجابكم ورضاكم
المكونات:-
مكونات الفراخ المشويه
فرخه مقطعه اجزاء ( حسب اعداد افراد اسرتك)
2 حبه بصل كبار مقطعه حلقات
2 فلفل اخضر
الطريقه:-
اولا جبت الفراخ وغسلتها كويس وقطعت البصل حلقات وحطيتهم مع بعض وحطيت توابل فلفل اسود وكسبره ناشفه وقطعت الفلف الاسود كمان وحطيته وخليتها فى التتبيله حوالى ساعه وبعد ذلك جبت الصينيه وحطيت البصل وعليها الفراخ ودخلتها الفرن لمده ساعه
مكونات صينيه البطاطس
3 حبه بطاطس
3 فلفل اخضر
2 حبه بصل حلقات
3 ملاعق صلصه
الطريقه
جبت الصينيه وحطيت فيها ملعقه سمنه وحطيت البصل وبعد ذلك الصلصه وحطيت عليهم شوربه وسيبتها تغلى على النار وبعدين حطيت البطاطس والفلفل الاخضر ودخلتها الفرن مع صينيه الفراخ
بالهنا والشفا