استخدامات مزيل المونيكير من الاظافر-الاسيتون
_بيزيل بقع الحبر من الحيطه والباب وكمان الفرش, بتجيبي قماشه ناعمه وتحطي فيها شويه مزيل وتدعكي بيها المكان اللي فيه الحبر.
_ممكن تنضفي بيه لوحه المفاتيح بتاعه الكمبيوتر" الكيبورد", وبتجيبي اعواد تنظيف الاذن وتحطيها في المزيل وتبدأي في تنظيف اللوحه.
_بتسخدميه كمان في ازالة الغراء, لو كنتي بتلزقي حاجه في البيت وكان في بقايا غراء في ايديك ممكن تحطي في قطنه شويه مزيل وتشيلي الغراء من ايديك.
_وبيزيل كمان بقايا الاسعار, لو اشتريتي ملابس او اي حاجه تانيه وعليها بواقي قلم مكتوب بيه السعر ممكن بقطنه تحطي عليها مزيل وتشليها.
_ممكن كمان تلمعي بيه الصواني القديمه, برده بقماشه ممكن تلمعي الصينيه وبعدين تغسليها وهاترجع عندك كأنها لسه جديدة.