فوزى عبده جورج مصر كما يقال او كما يحب ان يقال له
ولد المطرب فوزى عبده بمحافظة الدقهلية.
منذ الصغر اكتشف المقربين منه بموهبته المتميزة رغم صغر سنه وكان يغنى فى الاعراس والافراح واعياد الميلاد وجميع الحفلات المجاورة لقريتة .
درس علم الموسيقى على يد الموسيقار الراحل رمضان فريد الذى تخرج من معهد الموسيقى سنة 60 وكان استاذه الموسيقار رياض السنباطى واخذ الفنان فوزى عبده الكثير من الشيخ رمضان حتى اصبح متمكن فى علم النغم والمقامات والاجناس واجازة الشيخ ان يدرس هذا العلم ومن ثم عمل بالوسط وبحفلات كثيرة جدا .
كلمات وكليب فوزى عبده سيرك الايام
كلمات الاغنية
الدنيا دى سيرك اتنصب والفرجه فيه ببلاش
فيه اللى على الحبل لعب وفيه اللى ضاع ببلاش
الدنيا دى سيرك اتنصب والفرجه فيه ببلاش
فيه اللى على الحبل لعب وفيه اللى ضاع ببلاش
فيه اللى عايش يروج حزن السنين بالصبر
فيه اللى يخسر يعوض فيه اللى داق المر
فيه اللى فيها علي وهو ما بيسواش
واتفرج يا سلام قرب بص قوام
شوف اللى عمرك ما تشوفه
هنا سيرك الايام
فيه اللى عايش بهلوان خد من الزمان حقه
وخد كمان حتى اللى كان ف الدنيا مش من حقه
باع كل غالى ورخيص وخد خلاص الثمن
غدر باقرب ما ليه خاين ولا يؤتمن
دا ف كل شئ بيلعب عنده المهم المكسب
ويعلى كومه وخلاص وناسى غدر الزمن
واتفرج يا سلام قرب بص قوام
شوف اللى عمرك ما تشوفه
هنا سيرك الايام
فيه اللى كان فارس وكان مهر الزمان فرسه
ضاع كل شئ منه وهان لما الزمان هرسه
قلبو الزمان بليتشو بيضحك وقلبه ف نار
بيدارى همه ف ضحكته وبيبكى ليل ونهار
زمانه خلاص ولا
والكل بيه اتسلي
وعينى على اللى يكون
عزيز ويوم يتهان
واتفرج يا سلام قرب بص قوام
شوف اللى عمرك ما تشوفه
هنا سيرك الايام
فيه اللى فاكر نفسه حاوى وف الجراب ياما
واخد ف وشه وسكته اخرها دوامه
وقع خلاص وانكشف وادى اخرتو بانت
والناس دى ملت للاسف من لعبته قامت
بقى وحده ف الدنيا
ولا فيش حيل تانيه
سهرانه تبكى عنيه
وعين البشر نامت
واتفرج يا سلام قرب بص قوام
شوف اللى عمرك ما تشوفه
هنا سيرك الايام